अहमदनगर Live24 ,1 जून 2020 :- जामखेड तालुक्यातील डोळेवाडी येथे घराची भिंत माझ्या हद्दीत आली असून संध्याकाळपर्यंत ती काढून न घेतल्याने 13 जणांनी रामदास खाडे व त्यांची पत्नीला तलवार, लोखंडी पाईप, गज, दगड व कुर्‍हाडीने जीवे मारण्याचा प्रयत्न केला.
पती-पत्नी यांनी घाबरून घरात जाऊन दरवाजा लावला व पोलिसांना संपर्क केला योगायोगाने पोलीस उपअधीक्षक संजय सातव जामखेड पोलिस स्टेशनला उपस्थित असल्याने त्यांनी तात्काळ घटनास्थळी धाव घेतली व तेथील जमावाला पांगविले त्यामुळे पुढील अनर्थ टळला.
जखमींना जामखेड ग्रामीण रुग्णालयात उपचारासाठी दाखल केले व महिलेच्या फिर्यादीवरून 13 जणांवर गुन्हा दाखल केला असून पोलिसांनी आठ आरोपींना अटक केली आहे.
जामखेड पोलिसात कुसुम रामदास खाडे (रा. डोळेवाडी) यांनी फिर्याद देऊन शिवदास बाबासाहेब खाडे व त्यांचे मुले मोहन बाबासाहेब खाडे, सुभाष बाबासाहेब खाडे, विष्णू बाबासाहेब खाडे (रा. डोळेवाडी)
यांच्या बरोबर शेतीचे बांध, सामायीक विहीर व पाईपलाईन याकारणावरून एक वर्षांपासून वाद चालू आहे. याबाबत वेळोवेळी जामखेड पोलिसात तक्रार अर्ज दिले आहेत.
अहमदनगर Live24 वर तुमच्या बातम्या / माहिती तसेच जाहिरातीसाठी संपर्क करा [email protected]
जॉईन व्हा आमच्या फेसबुक ग्रुपमध्ये
https://www.facebook.com/groups/Ahmednagarlivenews
