अहमदनगर Live24 टीम, 09 फेब्रुवारी 2021:-जिल्ह्यातील अनेक ठिकाणी ग्रामपंचायत निवडणुका पार पडल्या. तसेच निवडणुकांचे निकाल देखील जाहीर झाले आहे.
आता सर्वांचे लक्ष लागून राहिले ते म्हणजे सरपंचपदी कोणाची वर्णी लागणार? दरम्यान नुकतेच काही ठिकाणी सरपंच पदांची घोषणा करण्यात आल्या आहेत.
यातच पारनेर तालुक्यातील वाळवणे गावच्या ग्रामपंचायतीच्या सरपंच, उपसरपंचपदी पती-पत्नीची निवड झाली आहे. सरपंचपदासाठी महिला राखीव असल्याने जयश्री सचिन पठारे यांची निवड करण्यात आली,
तर उपसरपंचपदासाठी सचिन गुलाबराव पठारे यांना नवनिर्वाचित सदस्यांनी संधी दिली. आमदार नीलेश लंके यांचे समर्थक व वाळवणे येथील भैरवनाथ देवस्थान विश्वस्त समितीचे अध्यक्ष सचिन पठारे,
पारनेर तालुका सहकारी दूध उत्पादक संघाच्या प्रशासकीय मंडळातील सदस्य संचालक सुरेश थोरात यांच्या नेतृत्वाखालील मंडळाने ९ पैकी ९ जागा जिंकून बहुमत मिळवले होते.
त्यामुळे सरपंच उपसरपंचपदाची निवडणूक बिनविरोध होणार हे नक्की होते. सरपंचपद जयश्री पठारे यांना देण्यावर बैठकीत एकमत झाले होते.
नंतरच्या काळात वैचारिक मंथन होऊन उपसरपंचपद सचिन पठारे यांना देण्याचा निर्णय झाला. त्यानुसार या दोघांचेच अर्ज दाखल झाल्याने त्यांची बिनविरोध निवड झाली.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2021, all rights reserved
