राष्ट्रवादी युवक काँग्रेस शरदचंद्र पवार पक्षाच्या पारनेर युवक तालुकाअध्यक्षपदी लकी भाऊसाहेब कळमकर यांची निवड करण्यात आली आहे. आमदार निलेश लंके व माजी आ. दादाभाऊ कळमकर यांच्या शिफारसीने ही निवड करण्यात आली.
मुंबईमधील राष्ट्रवादी काँग्रेस पार्टी शरदचंद्र पवार प्रदेश कार्यालयात महाराष्ट्र प्रदेशअध्यक्ष जयंतराव पाटील व राष्ट्रवादी युवक काँग्रेस शरदचंद्र पवार पक्षाचे प्रदेशाध्यक्ष महेबूबभाई शेख यांनी ही निवड केली.
या निवडीचे नियुक्तिपत्रक त्यांना देण्यात आले. यावेळी राज्याचे माजी गृहमंत्री अनिल देशमुख व पारनेर तालुक्यातील युवक कार्यकर्ते उपस्थित होते. लकी कळमकर यांच्या या निवडीबद्दल त्यांचे विविध स्तरातून अभिनंदन होत आहे.
