अहमदनगर Live24 टीम, 26 डिसेंबर 2020 :- श्रीगोंदा एसटी स्टँड शेजारील एसबीआय बँकेच्या एटीएम मध्ये एका अज्ञात तरुणाने ३८ वर्षीय इसमाला तब्बल सव्वा लाखांना गंडा घातला आहे.
याबाबत अधिक माहिती अशी कि, एटीएमचे मिनी स्टेटमेंट काढून देतो म्हणून, तुळशीराम लोंढे (रा. चांडगाव. ता. श्रीगोंदा) या इसमाकडून एका अज्ञात व्यक्तीने एटीएम कार्ड घेऊन, विश्वासाने पिन नंबर घेतला आणि एटीएमचे स्टेटमेंट काढून दिले.
मात्र, एटीएम परत करताना दुसरे एटीएम देऊन, नमूद एटीएम मधून एक लाख वीस हजार रुपये काढून घेतले असल्याची घटना श्रीगोंद्यातील SBI च्या एटीएम मध्ये घडली आहे.
याबाबत लोंढे यांनी श्रीगोंदा पोलिस ठाण्यांमध्ये फसवणुकीचा गुन्हा दाखल केला आहे. त्या अज्ञात इसमा विरुद्ध गुन्हा दाखल करण्यात आला आहे.
दरम्यान या प्रकरणाचा पोलीस नाईक खारतोडे हे तपास करीत आहेत. सदर गुन्हा पोलिस सहाय्यक फौजदार नवले यांनी दाखल केला आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
