अहमदनगर Live24 टीम, 15 डिसेंबर 2020 :-जिल्हा पोलीस दलामध्ये भ्रष्टाचाराचे सत्र काही केल्या संपेना… नुकतेच संगमेनर शहर पोलीस ठाण्यातील लाचखोर पोलीस नाईक एसीबीच्या जाळ्यात अडकल्याची चर्चा ताजी असताना अजून एक माहिती समोर आली आहे.
अकोले पोलिस ठाण्यातील पोलिस नाईक संतोष वाघ हा सोमवारी नाशिक लाचलुचपत प्रतिबंधक विभागाच्या जाळ्यात अडकला. त्याला दहा हजार रुपयांसह ताब्यात घेण्यात आले.
एका शेतकऱ्याचा जमिनीबाबत वाद सुरू होता. झटपट मार्ग निघावा,यासाठी वाघ याने पैशांची मागणी केली. संबंधित शेतकऱ्याने लाचलुचपत प्रतिबंधक विभागाकडे याबाबत तक्रार केली.
पथकाने सोमवारी दुपारी अकोले पोलिस ठाण्यात सापळा लावला. दहा हजारांची लाच घेताना वाघला रंगेहात पकडण्यात आले. शासकीय विश्रामगृहावर त्याची चौकशी करण्यात आली.
नंतर वैद्यकीय तपासणीसाठी ग्रामीण रुग्णालयात नेण्यात आले व त्यानंतर त्याला अटक करण्यात आली आहे. दरम्यान वाढती गुन्हेगारी रोखण्याबरोबरच पोलीस दलाला भ्रष्टाचाराच्या विळख्यातून बाहेर काढण्याची मोठी जबाबदारी आता नूतन पोलीस अधीक्षकांना पार पाडावी लागणार आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
- शेतात, घरात साप निघाला ? पकडू नका अन्यथा होईल 7 वर्षांची शिक्षा
- ‘असे’ लावा आपल्या मोकळ्या जागेवर मोबाइल टॉवर; होईल खूप कमाई
- एलआयसीची भन्नाट योजना ! एकदाच भरा पैसे आणि दर महिन्याला मिळवा 5 हजार रुपये
