अहमदनगर Live24 टीम, 08 डिसेंबर 2020 :-रस्त्यावरून जाणाऱ्या एका दुचाकीस्वारास अज्ञात तिघांनी रस्त्यात थांबवुन दमदाटी करुन लाथाबुक्यांनी मारहाण करुन ५९,०००/- रु किमतीचे त्यात दोन मोबाईल व एक पल्सर मोटर सायकल असा मुददेमाल बळजबरीने चोरुन नेला.
या प्रकरणी अंकुश विनायक तौर, (वय २२, रा. टाकरवन,ता माजलगाव जि. बीड) यांनी पाथर्डी पो.स्टे येथे फिर्याद दाखल केली होती.
या फिर्यादीवरून पाथर्डी पोलीस ठाण्यात गुन्हा दाखल करण्यात आला होता. सदर गुन्हयाचा स्थानिक गुन्हे शाखेचे पोलीस निरीक्षक अनिल करत असताना त्यांना गुप्त बातमीदारामार्फत बातमी मिळाली कि,
सदरचा गुन्हा हा सागर कर्डीले, (रा. गेवराई, कुकाणा ता नेवासा) याने त्याचे साथीदार नामे शुभम अनिल काळे, व आनंद अनिल काळे यांनी मिळुन केला.
यातील शुभम काळे व आनंद काळे हे दोघे (पुणतगाव, ता नेवासा) येथे वास्तव्यास असल्याची गोपनिय माहिती मिळाल्याने पोलीस पथकाने १) शुभम अनिल काळे, वय २१, २)आनंद अनिल काळे वय २५, दोन्ही हल्ली रा. पुणतगाव, ता नेवासा,
यांना मोठया शिताफीने ताब्यात घेतले. या दोघांकडून गुन्हयातील पल्सर मोटार सायकल व एक मोबाईल हा सागर कर्डीलेकडे असुन दुसरा ९०००/- रु किमतीचा मोबाईल शुभम काळे याने काढुन दिल्याने पंचासमक्ष जागीच जप्त केला.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
