अहमदनगर Live24 टीम, 9 जानेवारी 2021 :-नगर-पुणे महामार्गावर चास शिवारात हॉटेल कृष्णाईवर नगर तालुका पोलिसांनी छापा टाकला आहे.
या छाप्यात पोलिसांनी अवैधरित्या विक्री करण्यात येत असलेल्या 36 हजार 312 रुपये किंमतीच्या देशी विदेशी दारूच्या बटल्यांचा साठा जप्त केला आहे.
दरम्यान साहायक पोलिस निरीक्षक शंकरसिंह राजपूत यांच्या नेतृत्वाखालील पथकाने ही कारवाई केली. याबाबत अधिक माहिती अशी कि,
चास शिवारातील हॉटेल कृष्णाई येथे हॉटेल चालक संजय उर्फ सोनू मारुती कारले हा बेकायदेशीररित्या देशी-विदेशी दारुची विक्री करत असल्याची माहिती पोलिसांना मिळाली होती.
त्यानुसार साहायक पोलिस निरीक्षक शंकरसिंह राजपूत यांच्या नेतृत्वाखालील पथकाने शुक्रवारी (दि.8) रात्री 8.30 च्या सुमारास कृष्णाई हॉटेलवर छापा टाकला असता तेथे 36 हजार 312 रुपये किंमतीच्या देशी-विदेशी दारुच्या बाटल्यांचा साठा आढळून आला.
हा मुद्देमाल पोलिसांनी जप्त केला असून आरोपी संजय कारले विरुद्ध अवैध दारुविक्री कायदा नुसार गुन्हा दाखल करण्यात आला आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
