अहमदनगर Live24 टीम, 30 जानेवारी 2021 :-जिल्ह्यात वाळू, मुरूम तस्करांनी हौदास घातला आहे. त्यांना रोखण्याचा प्रयत्न करणार्यांना मारहाण, शिवीगाळ तसेच जीवे मारण्याचा प्रयत्न केल्याच्या अनेक घटना यापूर्वीही जिल्ह्यात घडल्या आहेत.
कायद्याचा धाक राहिला नसल्याने अशा घटनांची पुनरावृत्ती होत आहे. नुकतेच विना परवाना मुरूम वाहतूक करणाऱ्या एकाने महसूल कर्मचारी यास धक्काबुक्की व शिवीगाळ करून ट्रक्टर घेऊन पळून जाण्याची घटना घडली आहे.
ही घटना संगमनेर तालुक्यातील राजापूर येथे घडली आहे. याप्रकरणी संशयित आरोपी शरद नाना हासे याला पोलिसांनी ताब्यात घेतले आहे.
याबाबत अधिक माहिती अशी कि, संगमनेर तालुक्यातील राजापूर येथील रस्त्यावरून एक मुरूम भरलेला ट्रॅक्टर भरधाव वेगाने जात होता.
यावेळी महसूल कर्मचारी उमेश विठ्ठल देवगडे यांनी चालकास थांबवले. यावेळी हा ट्रॅक्टर मुरुमाने भरलेला आढळून आला. देवगडे यांनी वाहतुकीचा परवाना आहे का?
असा प्रश्न केला असता त्या व्यक्तीने धक्काबुक्की करत शिवीगाळ केली. ट्रॅक्टर तहसील कार्यालयात घेऊन जाण्यास सांगितले असता ट्रॅक्टर घेऊन पळून गेला.
याबाबत देवगडे यांनी शहर पोलीस ठाण्यात तक्रार दिली असून शहर पोलिसांनी संशियीत आरोपी शरद नाना हासे रा. राजापूर याच्या विरोधात गुन्हा दाखल करण्यात आला असून आरोपीला ताब्यात घेण्यात आले आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
