अहमदनगर Live24 टीम, 11 नोव्हेंबर 2020 :- जिल्ह्यातील गुन्हेगारीचा आलेख दिवसेंदिवस वाढत आहे. दरदिवशी चोरी, लुटमारी, दरोडा आदी घटनांमुळे नगरकर चांगलेच धास्तावले आहे. दरम्यान चोरट्यांविरोधात पोलीस प्रशासन चन्गलेच आक्रमक झाले आहे.
नुकतीच संगमनेर पोलिसांनी दुचाकी चोरट्यांना ताब्यात घेतले आहे. याबाबत अधिक माहिती अशी कि, संगमनेर शहर पोलिसांना गुप्त बातमीदारामार्फत सराईत वाहन चोरटे वाहन व्रिकीकरिता संगमनेरात येणार असल्याची माहिती मिळाली होती. त्यावरुन सापळा रचत तिघा चोरट्यांना अकरा वाहनांसह नुकतेच ताब्यात घेतले आहे.
याप्रकरणी पोलिसांनी शिवनाथ कोंडीराम माळी (वय 30, रा.शिवडी वस्ती, निमगाव जाळी, ता.संगमनेर), गणेश विष्णू शिंदे (वय 29, रा.शिवडी वस्ती, निमगाव जाळी, ता.संगमनेर) आणि करण ज्ञानदेव बर्डे (वय 19, रा.वडगाव सावताळ, ता.पारनेर जि.अहमदनगर) या सराईत चोरट्यांना गजाआड केले आहे.
दरम्यान पोलीस पथकाने या चोरट्यांकडून संगमनेर शहरातून तसेच पुणे, नाशिक येथून चोरी केलेल्या अकरा दुचाक्या देखील ताब्यात घेतले आहे.
आरोपींनी गुन्ह्यातील दुचाकीची चोरी केल्याची कबुली दिली आहे. तसेच त्यांनी संगमनेर व इतर ठिकाणावरुन दुचाकींची चोरी केल्याचे सांगितले आहे. सदर हस्तगत करण्यात आलेल्या दुचाकींची ओळख पटविण्यासाठी वाहनमालकांनी शहर पोलिसांशी संपर्क साधावा असे आवाहन करण्यात आले आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
