अहमदनगर Live24 टीम,3 ऑक्टोबर 2020 :- अहमदनगर जिल्ह्यामध्ये अनेक प्रकारचे गुन्हे घडताना दिसतात. चोर्‍या, घरफोड्या, दरोडे, रस्तालुटीच्या घटना घडत आहेत. पोलीस प्रशासन यावर जरब बसविण्याचे कार्य करत आहे.
वाहन चोरीचे देखील खूप प्रकार नगरमध्ये घडत असतात. एमआयडीसी, तोफखाना व भिंगार कॅम्प पोलीस ठाणे हद्दीतून तीन दुचाकी चोरीला गेल्याच्या फिर्यादी संबंधित पोलीस ठाण्यात दाखल झाल्या आहेत.
संदीप दिलीप दहिवाळे (वय- 30 रा. कल्याण रोड, नगर) यांची दुचाकी (क्र. एमएच- 16 बीक्यू- 5416) सावेडी येथील बजाज शोरूम समोरून चोरीला गेली. ही घटना दुपारी एक ते दीड वाजेच्या दरम्यान घडली.
दुसऱ्या घटनेत सत्यवान सुनील सातदिवे (वय- 29 रा. नवनागापूर) यांची दुचाकी (क्र. एमएच- 16 डब्ल्यू- 6224) त्यांच्या राहत्या घरासमोरून चोरीला गेली. रात्रीच्या वेळी ही चोरीची घटना घडली.
सातदिवे यांनी एमआयडीसी पोलीस ठाण्यात दिलेल्या फिर्यादीवरून अज्ञात चोरट्यावर चोरीचा गुन्हा दाखल करण्यात आला आहे.
तिसऱ्या घटनेत दत्ता संजय साबळे (वय- 21 रा. सोलापूर रोड, नगर) या युवकाची भिंगार पोलीस ठाणे हद्दीतून (क्र. एमएच- 16 बीडी- 7199) दुचाकी चोरीला गेली.
सोलापूर रोडवरील चौधरीनगरमध्ये साबळे हे राहतात. त्यांनी त्यांची दुचाकी घरासमोर पार्क केली होती. याप्रकरणी साबळे यांनी भिंगार कॅम्प पोलीस ठाण्यात दिलेल्या फिर्यादीवरून दुचाकी चोरीचा गुन्हा दाखल करण्यात आला आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
