Best Car Loan Tips : बहुतेक लोक कार खरेदी करण्यासाठी कार लोन घेतात. परंतु बऱ्याच लोकांना उत्पन्नाच्या आधारे ते किती कार लोन घेऊ शकतात हे माहित नसत. बरेच लोक अनेकदा त्यांच्या मर्यादेपेक्षा जास्त कार लोन घेतात,
परिणामी त्यांना कर्जाची परतफेड करणे कठीण होते. कारण ते आवश्यक खर्च पूर्ण केल्यानंतर ईएमआयसाठी पैसे वाचवू शकत नाहीत. पण हे असे हाल टाळण्याचा एक मार्ग आहे. त्यासाठी कर्ज घेताना 20-10-4 फॉर्म्युला लक्षात ठेवावा. याच्या मदतीने तुम्ही किती कार लोन घ्यायचं हे जाणून घेऊ शकता.
20-10-4 फॉर्म्युला काय आहे?
20-10-4 चा फॉर्म्युला ही एक सेट पद्धत आहे जी आपण किती कार लोन घेऊ शकता हे शोधण्यासाठी वापरली जाते. हे सूत्र आपल्याला आपल्या वैयक्तिक आर्थिक परिस्थितीनुसार कार खरेदी करण्यासाठी योग्य कर्जाची रक्कम ठरविण्यात मदत करते.
गाडीसाठी किती डाऊन पेमेंट करावं लागेल, किती कालावधीसाठी किती कर्ज घ्यावं लागेल आणि कर्जाचा ईएमआय किती असावा याची माहिती मिळू शकते.
या फॉर्म्युल्यामध्ये 20 म्हणजे तुम्ही कारच्या ऑन-रोड किमतीच्या किमान 20% डाउन पेमेंट करा आणि मग उरलेल्या रकमेसाठी कर्ज घ्या. मात्र येथे तुमची आर्थिक स्थिती चांगली असेल तर तुम्ही डाऊन पेमेंटमध्ये 20 टक्क्यांनी वाढ करू शकता, डाउन पेमेंट जितके जास्त असेल तेवढे तुमच्यासाठी चांगले असेल.
याशिवाय, हा फॉर्म्युला सांगतो की कर्जाची EMI तुमच्या मासिक उत्पन्नाच्या 10% पेक्षा जास्त नसावी. जर ईएमआय यापेक्षा जास्त असेल तर तुम्हाला ते भरण्यात अडचण येऊ शकते. यानंतर शेवटी कर्जाचा कालावधी येतो. सूत्रानुसार, तुमच्या कार कर्जाचा कालावधी 4 वर्षांपेक्षा जास्त नसावा कारण ते जितके जास्त असेल तितके जास्त व्याज तुम्हाला कर्जावर भरावे लागेल.
सणासुदीत अनेक ऑफर्स
सध्या सणासुदीचा हंगाम येत आहे. त्यामुळे अनेक कंपन्या अनेक ऑफर्स देत आहे. अनेक कंपन्यांमध्ये आपल्या कार वर मोठा डिस्काउंट मिळत आहे. हुंदाई, मारुती नेक्सन आदी मोठ्या कंपन्या आपल्या कार वर भला मोठा डिस्काउंट ऑफर करत आहेत.
