अहमदनगर Live24 टीम, 31 जानेवारी 2021 :- कान्हुरपठार नवलेवाडी अपुर्ण रस्त्यावर अपघांताची मालिका सुरु असून, एखाद्याचा जीव गेल्यावर डांबरीकरण करणार का? असा संतप्त सवाल या भागातील नागरिकअधिकाऱ्यांना करत आहेत.
याबाबत माहीती अशी की,कान्हुर पठार वरून नवलेवाडी मार्गे वडगाव दर्या ला जोडणाऱ्या रस्त्यावर खडी टाकुन दोन ते तीन महिने लोटले आहेत.
आता ती खडीही रस्त्यावरून निसटत चाली आहे, यामुळे दुचाकीस्वारांना ते चुकविताना अपघात होत आहेत. त्यामध्ये ते गंभीर जखमी होत आहे. दोन्ही बाजुच्या साईड पट्ट्या नसल्याने अपघातग्रस्त वाहन थेट चारीत जात आहेत.
रस्त्यावरील बारीक खडी बाजुला येऊन त्यावरून वाहने घसरत आहेत, याबाबत ग्रामपंचायत सदस्यांसह परिसरातील नागरिकांनी सार्वजनिक बांधकाम विभागास निवेदन दिले आहे.
यावर त्वरित डांबरीकरण करण्यात यावे अशी मागणी केली आहे. अन्यथा आपल्या कार्यालयात उपोषण करणार असल्याचा इशारा देण्यात आला आहे.
याबाबत सार्वजनिक बांधकाम विभागातील शाखा अभियंता डी.एम वाघमारे यांच्याशी संपर्क साधला असता लवकरच हे काम पुर्ण होईल असल्याचे सांगितले.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
