मारुती सुझुकी अल्टो ही कमी बजेटमधील एक लोकप्रिय कार आहे, जी भारत आणि पाकिस्तान या दोन्ही देशांमध्ये मोठ्या प्रमाणावर विकली जाते. पाकिस्तानातील लोकांमध्येही या कारची विशेष लोकप्रियता आहे. मात्र, अलीकडेच पाकिस्तान सुझुकी मोटर्सने अल्टोच्या किमतीत मोठी वाढ जाहीर केली आहे, ज्यामुळे सामान्य ग्राहकांसाठी ही कार खरेदी करणे अधिक कठीण झाले आहे.
पाकिस्तानमध्ये Suzuki Alto ची नवीन किंमत किती ?
पाकिस्तानमध्ये Suzuki Alto च्या विविध व्हेरिएंटच्या किमतीत तब्बल १.२० लाख रुपये पर्यंत वाढ करण्यात आली आहे. या वाढीनंतर, Alto VXR ची किंमत २८.२७ लाख रुपये झाली आहे, तर Alto VXR AGS व्हेरिएंटसाठी किंमत २९.८९ लाख रुपये निश्चित करण्यात आली आहे. Alto VXL AGS व्हेरिएंटची किंमत ३१.४० लाख रुपये झाली आहे, जी यापूर्वी ३०.४५ लाख रुपये होती.
पाकिस्तानमध्ये Suzuki Alto ची किंमत वाढण्याचे कारण ?
Suzuki Alto च्या किमती अचानक वाढल्याने ग्राहकांना मोठा झटका बसला आहे. सुझुकी मोटर्सच्या म्हणण्यानुसार, उत्पादनाची गुणवत्ता, सुरक्षितता आणि नवीन तंत्रज्ञान यामध्ये सुधारणा करण्यासाठी ही किंमत वाढ करण्यात आली आहे. मात्र, आर्थिक परिस्थिती आणि चलनवाढ यामुळे ही वाढ मोठ्या प्रमाणावर ग्राहकांच्या खिशावर परिणाम करणार आहे.
भारतात Suzuki Alto किती स्वस्त आहे ?
भारतात Suzuki Alto K10 ची किंमत पाकिस्तानच्या तुलनेत खूपच कमी आहे. येथे या कारची किंमत ३.२५ लाख रुपयांपासून सुरू होऊन ५.१३ लाख रुपयांपर्यंत जाते. त्यामुळे भारतीय ग्राहकांसाठी ही कार परवडणारी आहे, तर पाकिस्तानमध्ये ती आता एक महागड्या कारच्या श्रेणीत गेली आहे.
पाकिस्तानच्या ग्राहकांसाठी मोठा धक्का
Suzuki Alto ची किंमत आता पाकिस्तानमध्ये गगनाला भिडली आहे, ज्यामुळे मध्यमवर्गीय ग्राहकांसाठी ही कार खरेदी करणे कठीण झाले आहे. भारताच्या तुलनेत पाकिस्तानात Suzuki Alto ही जवळपास ६ पट जास्त महाग झाली आहे.
पाकिस्तानातील ग्राहकांसाठी Suzuki Alto आता बजेट कार राहिलेली नाही. मोठ्या किंमत वाढीमुळे या कारच्या विक्रीवर परिणाम होऊ शकतो. दुसरीकडे, भारतीय ग्राहक आजही कमी किमतीत ही कार सहज खरेदी करू शकतात. पाकिस्तानमधील नवीन किंमत पाहून भारतीय ग्राहक नक्कीच सुटकेचा निश्वास टाकतील !
