अहमदनगर Live24 टीम, 20 डिसेंबर 2020 :-इयत्ता बारावीत शिकत असलेल्या एका महाविद्यालयीन विद्यार्थीनीने घराच्या छताला असलेल्या फॅनला साडीच्यासाह्याने गळफास घेवून आत्महत्या केल्याची दुर्दैवी घटना घडली आहे.
जामखेड शहरातील संताजीनगर परिसरात ही घटना घडली आहे. तर साक्षी बाबासाहेब भालसिंग असे या आत्महत्या केलेल्या विद्यार्थीनीचे नाव आहे.
जामखेड शहरातील संताजीनगर येथील साक्षी ही इयत्ता बारावीमध्ये नगरमधील एका महाविद्यालयात शिक्षण घेत होती. पण सध्या वसतीगृह बंद असल्याने ती घरीच ऑनलाईन अभ्यास करत होती.
रविवारी सकाळी साडेनऊ वाजता राहत्या घरात साडीच्या साहाय्याने फॅनला गळफास घेऊन आत्महत्या केली. ही बाब लक्षात येताच तिला ताबडतोब दवाखान्यात दाखल करण्यात आले पण डॉक्टरांनी तिला मृत घोषित केले.
वैद्यकीय अधिकाऱ्यांनी याप्रकरणी पोलीस स्टेशनला माहिती दिली. संताजीनगर येथे बाबासाहेब भालसिंग यांचा पाण्याचा प्लॅन्ट असून साक्षी ही त्यांची एकूलती एक मुलगी होती.
त्यामुळे या घटनेने परिसरात हळहळ व्यक्त केली जात आहे. या प्रकरणी पुढील तपास पोलिस पो. हे.कॉ.बापूसाहेब गव्हाणे हे करीत आहेत.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
- शेतात, घरात साप निघाला ? पकडू नका अन्यथा होईल 7 वर्षांची शिक्षा
- ‘असे’ लावा आपल्या मोकळ्या जागेवर मोबाइल टॉवर; होईल खूप कमाई
