अहमदनगर Live24 टीम, 6 नोव्हेंबर 2020 :-पाथर्डी तालुक्यातील शिरापूर, मढी, केळवंडी याठिकाणी नरभक्षक बिबट्याच्या हल्ल्यात तीन बालकांचा दुर्दैवी मृत्यू झाल्यानंतर गुरुवारी पहाटे सावरगावघाट परिसरात एका बिबट्याला जेरबंद करण्यात वन विभागाला यश आले.
असे असले, तरी आणखी काही दिवस या भागातील सर्व नागरिकांनी सावधानता बाळगत स्वत:बरोबरच मुलाबाळांची देखील काळजी घ्यावी, तसेच आणखी एखादा बिबट्या या परिसरात आहे
की काय याची देखील शोध मोहीम सुरू ठेवण्याच्या सूचना वन विभागाला देण्यात आल्या असल्याची माहिती राज्याचे मदत व पुनर्वसन राज्यमंत्री प्राजक्त तनपुरे यांनी देत वनविभागाच्या मोहिमेला धन्यवाद दिले.
सावरगावघाट परिसरातील शेंडगेवाडी जवळ गुरुवारी पहाटे एका बिबट्याला जेरबंद करण्यात वन विभागाला यश आले असून पकडण्यात आलेला बिबट्या नरभक्षक आहे का?
याची देखील वैज्ञानिक तपासणी वनविभागाकडून करण्यात येणार आहे. त्याचबरोबर शिरापूरसह केळवंडी, करडवाडी, घाटशिरस
या भागात आणखी एखादा बिबट्या आहे की काय, याचा शोध काही दिवस घेण्याच्या सूचना वन विभागाच्या वरिष्ठ अधिकाऱ्यांना देण्यात आल्या.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
