अहमदनगर :- शहरातील सर्जेपुरा चौकात राष्ट्रवादी काँग्रेसचे माजी नगरसेवक आरिफ शेख व बसपचे नगरसेवक मुदस्सर शेख या दोघांच्या समर्थमकांमध्ये हाणामारी झाली आहे.
या परिसरातील आजी-माजी नगरसेवकांच्या कार्यकर्त्यांत हा वाद झाल्याचे सांगण्यात आले. या गटातील मारामारीचे कारण किरकोळ असल्याचे समजते.
पोलिसांनी या दगडफेकीची गंभीर दखल घेत सर्जेपुरा चौकात मोठा पोलीस बंदोबस्त वाढवला. सायंकाळी दगडफेक झाल्यामुळे परिसरात धावपळ उडाली.
बाजारपेठेच्या जवळचा भाग असल्याने आणि सायंकाळची वेळ असल्याने या भागात गर्दी होती. अचानक दगडफेक होऊ लागल्याने वाहनचालक, पादचारी सुसाट निघाले. काही जण यात जखमी झाल्याचे समजते.
महानगरपालिकेच्या निवडणुकीतील वादातून दोन्ही गटांमध्ये वाद झाल्याचे बोलले जात आहे. बुधवारी सायंकाळी साडेसहा वाजण्याच्या सुमारास आरिफ शेख व नगरसेवक मुदस्सर शेख यांच्या समर्थकांमध्ये वाद झाला.
त्यातून एकमेंकाना मारहाण होऊन दगडफेक झाली. दगडफेकीमुळे परिसरातील दुकाने बंद करण्यात आली होती. तोफखाना पोलिस स्टेशनचे पोलिस निरीक्षक हारुण मुलानी व पोलिस कर्मचारी घटनास्थळी गेल्यानंतर परिस्थिती नियंत्रणात आली.
पोलिसांनी परिसरात गस्त वाढवली असून दगडफेक करणार्‍यांचा शोध सुरू केला आहे. परिसरात असलेल्या सीसीटीव्ही कॅमेर्‍याच्या आधारे हा शोध घेतला जात आहे.
या दगडफेकीमागे राजकीय वाद असल्याचे सांगितले जात आहे. पोलिसांनी दगडफेक करणार्‍यांची माहिती संकलित केली असून रात्री उशिरापर्यंत गुन्हा दाखल करण्याची प्रक्रिया सुरू होती.
- Home Loan EMI : पन्नास हजार रुपये पगार असलेल्यांनी घर खरेदी करावं कि भाड्याच्या घरात राहावं जाणून घ्या
- आजपासून शाळांमधील चित्र बदलणार ? राज्य सरकारच्या नव्या निर्णयामुळे शिक्षकांमध्ये संतापाची लाट
- राहाता येथील श्री नवनाथ मायंबा देव व श्री वीरभद्र देवाच्या यात्रेला डॉ. सुजय विखे पाटील यांच्या उपस्थितीत श्रीफळ वाढवून प्रारंभ..
- लाडकी बहीण योजना : एप्रिल महिन्याचे पैसे कधी आणि किती मिळणार ? नवी नोंदणी केव्हा सुरु होणार ? जाणून घ्या सर्व प्रश्नांची उत्तर
- WhatsApp Down : जगभरात व्हॉट्सअप अचानक बंद ! मेसेज आणि स्टेटस अपलोड करण्यात अडचण
