नेवासा : घोडेगाव येथील पाण्याच्या टाकीजवळ नव्यानेच झालेल्या पोलीस चौकीसमोर सचिन गोरख कुऱ्हाडे या युवकावर दुचाकीवरून आलेल्या चार जणांपैकी एकाने काही कळायच्या आत सायंकाळी सहा वाजता दोन गोळ्या झाडल्या.
विशेष म्हणजे पोेलिसांवर ही घटना घडल्याने गावात खळबळ उडाली आहे. सचिनच्या उजव्या खांद्याला एक गोळी लागल्याने त्याला पुढील उपचारासाठी आनंदऋषी हॉस्पिटल अहमदनगर येथे हलविण्यात आले आहे.
याबाबत पोलिस सूत्रांकडून समजलेली माहिती अशी की, काल सकाळी कानडे आणि कुऱ्हाडे यांच्यात शाब्दिक चकमक झाली होती. दरम्यानच्या काळात दुपारी हा वाद पूर्णपणे मिटवण्यात आला होता. परंतु, साडेपाच-सहा वाजेच्या सुमारास चौघांपैकी एकाने सचिन कुऱ्हाडेचा शोध घेण्यास सुरुवात केली.
दरम्यानच्या काळात पोलीस हवालदार गावडे यांनी सचिनला झालेल्या प्रकाराबाबत चौकशीसाठी घोडेगाव पोलीस चौकी येथे फोनवरून बोलून घेतले. सचिन पोलीस चौकी समोर येताच चौघेजण दुचाकीवरून आले, त्यांनी पोलिसांसमोरच सचिनवर दोन गोळ्या झाडल्या.
पैकी एक गोळी त्याच्या उजव्या खांद्याला लागली. शंकरबाबा येथील सप्ताहाची समाप्ती सवाद्य मिरवणूक असल्याने गावात घटना उशीर समजली. रात्री उशिरापर्यंत कोणताही गुन्हा दाखल झाला नसल्याची माहिती सोनईचे सहाय्यक पोलीस निरीक्षक जनार्दन सोनवणे यांनी सांगितले.
- फक्त 20 रुपयांत मिळवा तब्बल 2 लाखांचा विमा, जाणून घ्या प्रधानमंत्री सुरक्षा विमा योजनेचे सर्व फायदे!
- महाराष्ट्रातील ‘या’ शहरात सुरू होणार विमानासारखी बस, प्रवाशांना मिळणार विमान प्रवासासारख्या सोयीसुविधा, नितीन गडकरींची माहिती
- ‘ह्या’ 7 स्टेप्स फॉलो करा, 15 वर्षे जुना फ्रीज पण नव्यासारखा काम करणार !
- जगात सर्वाधिक चलनी नोटा छापणारा देश कोणता?, भारताच्या या शत्रू राष्ट्राने ब्रिटन-अमेरिकेलाही टाकलं मागे!
- विद्यार्थी आणि पालकांसाठी महत्त्वाची बातमी ; 8 आणि 9 जुलै 2025 रोजी महाराष्ट्रातील सर्वच शाळा बंद राहणार ! शाळा बंद असण्याचे कारण पहा…..
