अहमदनगर ;- महानगर पालिकेच्या आवारात छत्रपती शिवाजी महाराजांचा पुतळा बसविण्याचा सभागृहाचा दोन वर्षापुर्वी ठराव झालेला असताना पुतळा तातडीने बसविण्याची मागणी महापालिकेच्या सर्वसाधारण सभेत नगरसेवक कुमार वाकळे, सभागृहनेते स्वप्नील शिंदे, संपत बारस्कर, मनोज कोतकर यांच्यासह 11 शिवप्रेमी संघटनांच्या वतीने करण्यात आली.
सदर पुतळ्याचे काम प्रगतीपथावर न आल्यास 19 फेब्रुवारी शिवजयंतीच्या दिवशी मनपाच्या आवारात आत्मदहन करण्याचा इशारा चारही नगरसेवकांनी दिला आहे. मागील दोन वर्षापुर्वी महापालिकेच्या आवारात शिवाजी महाराजांचा पुतळा बसविण्यास मनपाच्या सभागृहाने मंजुरी दिलेली आहे.
मात्र त्याच्या परवानगीसाठी एवढा मोठा कालावधी निघून गेला आहे. माजी उपमहापौर छिंदम याने वादग्रस्त वक्तव्याने शिवाजी महाराजांचा अवमान केला. त्याचवेळी महापालिकेत पुतळा बसविण्याची मागणी करण्यात आली होती.
या संदर्भात सर्व नगरसेवकांनी ठराव देखील मंजुर केला होता. या ठरावाची अंमलबजावणी अद्यापि झाली नसल्याचे कुमार वाकळे यांनी निदर्शनास आणून दिले. सदर पुतळा बसविण्याची कार्यवाही न झाल्यास चारही नगरसेवकांनी आत्मदहनाचा इशारा दिला आहे.
- महाराष्ट्र राज्य सरकारी कर्मचाऱ्यांसाठी खुशखबर ! जुलै महिन्याच्या पगारांसोबत ‘हा’ आर्थिक लाभ मिळणार, जीआर कधी निघेल ?
- संगमनेर तालुक्यात प्रधानमंत्री ग्राम सडक योजने अंतर्गत बनवलेला रस्ता निकृष्ट दर्जाचा, हातानेच उखडतोय खडी-डांबराचा थर
- सरकारने मद्याची दरवाढ कमी करावी तसेच करवाढही मागे घ्यावी, अन्यथा तीव्र आंदोलन करण्याचा देण्यात आला इशारा
- उसने दिलेले पैसे मागितल्याच्या कारणावरून युवकाला शिवीगाळ करत चाकूने हल्ला, राहुरी पोलिसांत गुन्हा दाखल
- भाऊ मानते असं सांगितल्यानंतरही आरोपी विवाहितेच्या घरात घुसला, मारहाण करत जबरदस्ती करण्याचा प्रयत्न केला
