अकोले : भंडारदरा धरण पाणलोट क्षेत्रासह तालुक्यात पावसाची संततधार सुरूच असून, तालुक्यातील भंडारदरा धरणातून ३४ हजार १२५ क्यूसेक, तर निळवंडे धरणातून २८ हजार १९८ क्युसेकने पाणी सोडण्यात आल्याने प्रवरा नदीला पूर आला आहे.
प्रवरा नदीकाठच्या गावांना सतर्कतेचा इशारा देण्यात आला आहे.अकोले तालुक्यात पावसाची संततधार सर्वदूर सुरूच असून मुळाखोरे, आढळा खोरे, प्रवरा खोऱ्यासह भंडारदरा पाणलोट क्षेत्रात गेल्या तीन दिवसांपासून पावसाची संततधार सुरूच आहे.
त्यामुळे भंडारदरा व निळवंडे धरणात पाण्याची नव्याने मोठ्या प्रमाणावर आवक सुरूच असल्याने भंडारदरा धरणाच्या स्पिलवेतून व तर पॉवर हाऊस टनेलमधून असा एकूण ३४ हजार १२५ क्युसेकने पाण्याचा प्रवरा नदीपात्रात विसर्ग सुरू आहे.
दरम्यान, निळवंडे धरणातून स्पिलवेमधून २७ हजार ४९८ क्युसेक, तर पॉवर हाऊस टनेलमधून ७०० क्युसेकने असा एकूण २८ हजार १९८ क्युसेकने प्रवरा नदीपात्रात विसर्ग वाढविण्यात आला आहे, अशी माहिती जलसंपदा विभागाचे उपअभियंता अभिजित देशमुख यांनी दिली आहे.
- सरकारी कर्मचाऱ्यांसाठी खुशखबर ! कर्मचारी व पेन्शन धारकांना मिळणार ‘हे’ आर्थिक लाभ
- वाईट काळ संपणार ! आता ‘या’ राशीच्या लोकांचा सुवर्णकाळ सुरु होणार
- गुंतवणूकदार होणार मालामाल ! 3 दिवसात 27% रिटर्न, स्टॉक स्प्लिटची मोठी घोषणा
- मुंबई – पुणे दरम्यान प्रवास करणाऱ्यांसाठी आनंदाची बातमी ! MSRDC ने घेतला मोठा निर्णय
- फक्त 9 महिन्यात गुंतवणूकदार झाले श्रीमंत! ‘या’ 5 म्युच्युअल फंड्सनी दिला 15% परतावा…पैसा टाकावा का?
