लखनौ : उत्तर प्रदेशात ५० मायक्रॉनपेक्षा पातळ असलेल्या प्लास्टिक पिशव्यांवर रविवार (१ सप्टेंबर)पासून बंदी लागू झाली आहे.
राज्याच्या या आदेशानुसार बंदी असलेल्या पिशव्या खरेदी किंवा विक्री केल्याचे आढळून आल्यास १ लाख रुपयांपर्यंतचा दंड आणि सहा महिन्यांचा कारावास होऊ शकतो, असे राज्य सरकारने जाहीर केलेले आहे.
याबाबतच्या माहितीनुसार, राज्याचे मुख्य सचिव अवनिश अवस्थी यांनी २६ ऑगस्ट रोजी सरकारच्या वतीने परिपत्रक काढून १ सप्टेंबरपासून उत्तर प्रदेशात ५० मायक्रॉनपेक्षा पातळ असलेल्या प्लास्टिक पिशव्यांवर बंदी लागू झाली आहे.
याचे उल्लंघन करणाऱ्यांच्या विरोधात कडक कारवाई केली जाईल, अशी घोषणा केली होती. तसेच ज्या भागात अशा प्लास्टिक पिशव्या सापडतील अशा पोलीस ठाण्याचे प्रमुख, नागरी अधिकारी, व्यवसाय कर अधिकारी, दंडाधिकारी आणि विभागीय अधिकारी यांच्या विरोधात कडक कारवाई केली जाईल, असेही म्हटलेले होते.
यानंतर रविवार (१ सप्टेंबर)पासून ही बंदी लागू करण्यात आलेली असून, बंदी असतानाही कुणी वापर करत असल्यास याची माहिती देण्यासाठी नागरिकांनी पुढे यावे, असे आवाहन पोलिसांनी केले आहे. आपली नावे गुपीत ठेवली जातील. यासाठी लखनौ पोलिसांनी हेल्पलाइन नंबर जाहीर केला आहे.
- महायुती सरकारची मोठी घोषणा ! आता लाडक्या बहिणींना मिळणार एक लाख रुपयांचे अनुदान….; कसा आहे सरकारचा मास्टरप्लॅन?
- शेतकऱ्यांसाठी गुड न्यूज….! महाराष्ट्रातील ‘या’ बाजारात कांद्याला मिळाला 4,200 रुपये प्रति क्विंटलचा भाव
- बातमी कामाची ! वडिलोपार्जित मालमत्तेवर किती वर्षापर्यंत हक्क सांगता येतो ? नियम काय सांगतो?
- 24 तासांचा प्रवास आता 12 तासात….! 1369 किलोमीटर लांबीचा भारतातील सर्वात मोठा एक्सप्रेसवे, नव्या आठपदरी महामार्गाबाबत गडकरींची मोठी माहिती
- वाहनचालकांसाठी फडणवीस सरकारचा मोठा निर्णय! नवीन नंबरप्लेट बसवण्यासाठी आता इतक्या दिवसांची मुदत वाढ
