कर्जत : तालुक्यातील नेटकेवाडी येथे दोन गटांत तुफान हाणामारी झाली. यामध्ये दोन्ही बाजूचे काही लोक जखमी झाले आहेत. दोन्ही गटांनी परस्परविरोधी फिर्यादी दाखल केल्या असून, पोलिसांनी आठ लोकांना अटक केली आहे.
तालुक्यातील नेटकेवाडी येथे आज सकाळी ९:०० च्या सुमारास गावात दोन गटांत जोरदार हाणामारी झाली. याबाबत अजय बापू धांडे व गहिनीनाथ भिवा धांडे यांनी परस्परविरोधांत तक्रारी दाखल केल्या आहेत.
अमर बापू धांडे (वय २३) यांनी दाखल केलेल्या फिर्यादीत सुदाम भिवा धांडेंसह १४ व्यक्तींविरोधात गुन्हा दाखल केला असून, वडील बापू धांडेंसह आपल्या डोळ्यांत चटणी टाकून गजाने, काठीने व दगडाने मारहाण केली असल्याचे म्हटले आहे.
आपण वडिलांसह पोलीस स्टेशनला फिर्याद देण्यासाठी आलो असताना मागे बहीण व आईला पाच सहा महिला- पुरुषांनी घरात घुसून मारहाण करत गळयातील सोन्याची चेन काढून नेली, असे फिर्यादीत म्हटले आहे. त्यावरून कर्जत पोलीस स्टेशनला १४ लोकांविरुध्द गुन्हा दाखल करण्यात आला आहे.
नेटकेवाडी येथील गहिनीनाथ भिवा धांडे यांनी दिलेल्या फिर्यादीत म्हटले आहे की, बापूराव धांडे यांच्यासह इतर १० व्यक्तींनी डोळयांत चटणी टाकून गजाने, काठीने व दगडाने मारहाण केली असल्याचे म्हटले आहे.
या वेळी गळयातील चेन व मोबाईल हिसकावून घेतला. तर महिलांना घरात घुसून मारहाण केली. यावरून कर्जत पोलीस स्टेशनला १० ज़णांविरुध्द गुन्हा दाखल करण्यात आला आहे.
- पश्चिम रेल्वे प्रवाशांसाठी आनंदाची बातमी! ४ नव्या लोकल फेऱ्या सुरू, वेळापत्रक काय असेल?
- फेब्रुवारीत ग्रहांची चाल बदलणार; वृषभ, सिंह आणि कन्या राशींवर कसा असेल परिणाम?
- भ्रष्टाचाराला आळा घालण्यासाठी योगी सरकारचे कठोर पाऊल; संपत्ती जाहीर न करणाऱ्या 68 हजार कर्मचाऱ्यांचा पगार रोखणार
- लाडकी बहीण योजनेबाबत मोठा निर्णय; केवायसी केलेल्या महिलांची होणार प्रत्यक्ष पडताळणी, काहींचा हप्ता कायमस्वरूपी बंद होण्याची शक्यता
- नागपूरकरांसाठी पर्यावरणपूरक सार्वजनिक वाहतुकीचा नवा अध्याय; १४ फेब्रुवारीला PM ई-बस सेवेचा शुभारंभ
