पाथर्डी : एसटीच्या तिकीटासाठी सुटे पैसे द्या, असे सांगितल्याचा राग आल्याने तिघांनी एसटीला मोटारसायकल आडवी घालून व एसटीत चढून एसटीच्या वाहकाला शिवीगाळ, मारहाण करत दमदाटी केली. पटेलवाडा परिसरात शुक्रवारी ही घटना घडली.
वाहक संजय सुडके यांच्या फिर्यादीवरून सुरेश परसराम पवार,राहुल परसराम पवार व एका अनोळखी व्यक्तीविरुद्ध पोलिसांत गुन्हा नोंदविला आहे. पाथर्डी आगाराचे वाहक संजय सुडके हे घाटपिंप्री ते पाथर्डी ही एसटीबस घेऊन येत होते.
आल्हणवाडी येथे दोघे पवार एसटीत आले व तिकिटासाठी पाचशे रुपयांची नोट दिली. वाहकाने पैसे सुटे नसल्याचे सांगून त्यास गाडीतून खाली उतरवून दिले.
याचा राग धरून राहुल, सुरेश व आणखी एक अनोळखी इसम यांनी मोटारसायकल वरून एसटीचा पाठलाग करून पटेलवाडा फाटा येथे एसटीला मोटारसायकल आडवी घालून एसटीत चढले व वाहक संजय सुडके यांना शिवीगाळ करून मारहाण केली. याप्रकरणी वाहक सुडके यांनी तक्रार नोंदविली आहे.
- चेहऱ्यावरील डाग, काळवटपणा दूर करण्यासाठी रोज लावा ‘हा’ नैसर्गिक फेसपॅक! घरच्या घरी फेसपॅक बनवण्याची पद्धत जाणून घ्या
- डायलिसिस, कर्करोग तसेच ‘या’ मोठ्या आजारांवर होईल मोफत उपचार! सरकारी योजनेसाठी आजच नोंदणी करा, पाहा संपूर्ण प्रोसेस
- 3 तासांचं अंतर अवघ्या 20 मिनिटांत! तब्बल 5,500 कोटी खर्चून भारत बनवतोय आशियातील सर्वात लांब बोगदा; पाहा वैशिष्ट्ये
- डेंग्यू-मलेरियाचा धोका टाळा! घराच्या बाल्कनीत किंवा गार्डनमध्ये लावा ‘ही’ रोपं, डास घराकडे फिरकणारही नाहीत
- Ahilyanagar News : माजी आमदार दादाभाऊ कळमकर यांच्या वाहनाला भीषण अपघात
