श्रीरामपूर: प्रभात दूधचे सारंगधर निर्मळ यांच्या बंगल्यातील चोरीची घटना ताजी असतानाच खैरी निमगाव येथील सात घरांतून सोन्याच्या दागिन्यांसह लाखो रुपयांचा ऐवज चोरांनी लंपास केला. खैरी निमगाव येथील राजेंद्र ढोबळे हे पत्नी, मुलांसह दिवाळीत अंदरसुलला गेले होते.
चोरट्यांनी कटरने त्यांच्या घराच्या दरवाजाचा कडी-कोयंडा कापून आत प्रवेश केला. उचकापाचक करत १२ तोळे सोन्याचे दागिने त्यांनी चोरून नेले. त्यांच्या शेजारी राहत असलेले माजी आमदार भानुदास मुरकुटे यांचे स्वीय सहायक अप्पासाहेब दुशिंग यांच्या घरातदेखील त्याच पद्धतीने प्रवेश करत दोन तोळे सोने आणि ४ हजार रुपये लांबवण्यात आले.
माजी तंटामुक्ती अध्यक्ष गोपीचंद भागडे यांच्या घरातील अडीच तोळे सोने आणि १२ हजार रुपये, भानुदास कचरू जाधव यांच्या घरात आवारातून प्रवेश करत संदीप जाधव यांच्या खिशातील पाकिटातून ७ हजार ३०० रुपये, मुलीच्या गळ्यातील ओम चोरट्यांनी लांबवला.
लीलाबाई पंढरीनाथ जोजे आणि देवराम तुपे यांच्या घराच्या दरवाजाचा कडी-कोयंडा कटरने तोडून सामानाची उचकापाचक चोरांनी केली. घरी कोणी नसल्याने कितीची चोरी झाली हे समजू शकले नाही.
- वार्षिक पगार 15 लाख असलेल्यांसाठी जुना टॅक्स स्लॅब चांगला आहे की नवीन टॅक्स लॅब? जाणून घ्या दोघांचे फायदे
- पीएफ खात्यातून पैसे काढले तरी मिळेल का पेन्शन? जाणून घ्या फायद्याचे नियम
- एसबीआयच्या ‘या’ म्युच्युअल फंडाने 5 वर्षात 1 लाखाचे केले 4 लाख! तुमच्याकरिता गुंतवणुकीसाठी राहील बेस्ट
- पॅनकार्डचा वापर करा आणि झटपट कर्ज मिळवा! जाणून घ्या कशी आहे प्रोसेस?
- 1 लाखाची गुंतवणूक ‘या’ म्युच्युअल फंड योजनेत करा आणि 6 लाखापेक्षा जास्त परतावा मिळवा! जाणून घ्या माहिती
