अहमदनगर :- नगर दक्षिण लोकसभा मतदारसंघातील भाजपचे उमेदवार डॉ. सुजय विखे, ‘राष्ट्रवादी’चे उमेदवार आमदार संग्राम जगताप यांच्यासह एकूण १२ उमेदवारांच्या खर्च तपासणीत त्रुटी आढळल्या.
त्यामुळे त्यांना नोटिसा पाठवण्यात आल्या आहेत. नोटीस मिळाल्यानंतर ४८ तासांत खुलासा सादर करण्याचे आदेश आहेत.
१ ते १० एप्रिल या कालावधीत उमेदवारांनी केलेल्या निवडणूक खर्चाची प्रथम तपासणी शनिवारी झाली. प्रत्येक उमेदवाराला ७० लाख रुपयांची खर्चाची मर्यादा आहे.
उमेदवारी अर्ज दाखल केल्याच्या दिवसापासून दैनंदिन निवडणूक खर्च यात समाविष्ट आहे. तपासणीत एकूण १२ उमेदवारांच्या हिशेबात त्रुटी आढळल्या.
झेरॉक्सचे बिल न जोडणे, देणगी मिळालेले पैसे बँकेत जमा न करता परस्पर खर्च करणे, नोटरीच्या पावत्या न जोडणे, देणगी देणाऱ्यांच्या नावांची यादी नसणे,
देणगी पावत्यांच्या प्रती तपासणीसाठी सादर न करणे, अनामत रक्कम पावती न जोडणे, घोषित केलेला खर्च व निवडणूक आयोगाच्या संगणीत केलेला खर्च यामध्ये तफावत असणे या त्रुटी निदर्शनास आल्या.
विखे, जगताप यांच्यासह सुधाकर लक्ष्मण आव्हाड, रामनाथ गहिनीनाथ गोल्हार, कलीराम बहिरू पोपळघट, संजय सावंत, संदीप लक्ष्मण सकट, साईनाथ बाबासाहेब घोरपडे,
नामदेव अर्जुन वाकळे, श्रीधर जाखुजी दरेकर, शेख अबिद अहमद हनिफ, भास्कर फकिरा पाटोळे, दत्तात्रय अप्पा वाघमोडे यांना नोटिसा पाठवण्यात आल्या आहेत.
- 15 जानेवारीला शेअर मार्केट बंद राहणार का ? स्टॉक एक्सचेंजने दिली मोठी माहिती
- 2026 पुणेकरांसाठी ठरणार खास ! मार्च महिन्यात सुरू होणार आणखी एक मेट्रो मार्ग
- महाराष्ट्रासाठी आनंदाची बातमी ! इथं उभारला जातोय नवीन रेल्वेमार्ग
- पत्नीसमवेत पोस्टाच्या ‘या’ योजनेत एकदा गुंतवणूक करा ! दरमहा मिळणार 9,250 रुपयांचे व्याज
- एसबीआयने सुरु केली हर घर लखपती योजना ! २० रुपयाच्या गुंतवणुकीतून मिळणार एक लाख रुपये
