संगमनेर :- नाशिक-पुणे मार्गावरील बाह्यवळणावर शुक्रवारी पहाटे अडीचच्या सुमारास मालट्रकची धडक बसून मोटारसायकलीवरील बाप-लेकीचा मृत्यू झाला.
अन्य दोन जण गंभीर जखमी झाले. अत्यवस्थ असलेल्या दोन्ही जखमींवर संगमनेरमधील खासगी रुग्णालयात उपचार सुरू आहेत.
अशोक सोमनाथ वाघ (वय ३५, कळस, ता. अकाेले) आणि त्यांची तीन वर्षांची चिमुरडी शकुंतला यांचा मृतात समावेश आहे. त्यांची पत्नी आशाबाई व दिलीप भाऊसाहेब मेंगाळ हे दोघे गंभीर जखमी झाले.
वाघ कुटुंबीय गुरुवारी शहरानजीक असलेल्या कासारवाडी येथे यात्रेनिमित्ताने नातेवाईकांकडे आले होते. रात्री उशिराने यात्रा संपवून ते आपल्या मोटारसायकलीवरून अकोल्याच्या दिशेने निघाले होते.
अकोलेनाका येथील बाह्यवळण मार्गावर मालपाणी स्क्वेअरजवळून जात असताना नाशिकच्या दिशेने पुण्याकडे सिमेंटचे ठोकळे घेऊन जाणाऱ्या मालट्रकची (एम. एच. ४३, यू ७४९१) त्यांना जोराची धडक बसली.
अपघातात बापलेकीचा जागीच मृत्यू झाला. दुचाकीवरील अन्य दोन जण गंभीर जखमी झाले. जखमींची प्रकृती िचंताजनक असल्याची माहिती मिळाली.
- सातारा, सांगली, कोल्हापूर जिल्ह्यातील नागरिकांसाठी खुशखबर ! पुण्यासाठी सुरु झालीये Vande Bharat Train, कसं आहे वेळापत्रक?
- अहिल्यानगरमध्ये १०० हून जास्त कत्तलखाने! घरातून होम डिलिव्हरीद्वारे गोमांस विक्री, दुसऱ्या मजल्यावरही सुरू आहेत कत्तलखाने
- 12 वर्षानंतर गुरु ग्रहाचे कर्क राशीत आगमन! ‘या’ राशीच्या लोकांना येणार सुखाचे दिवस, मनातील सर्व इच्छा होतील पूर्ण
- राम शिंदे आणि रोहित पवार यांच्या राजकीय वादात करोडोच्या उद्यान प्रकल्पाची झाली दुर्दशा; झाडे जळाली, कोनशिलाही गायब
- स्व. अरूणकाका जगताप यांच्या स्मरणार्थ अहिल्यानगरमध्ये ६६ हजार झाडे लावले जाणार
