नगर : शहरातील विद्युत पोलवरील तारा जमिनीअंतर्गत टाकून घेण्यासाठी लागणाऱ्या निधीसाठी शासनाकडे पाठपुरावा केला आहे. महापौर झालो तेव्हा सीना नदीच्या सुशोभीकरणासाठी तीन कोटी रुपयांचा निधी आणला. या कामाला प्रत्यक्षात सुरुवातही झाली होती.
परंतु काही विघ्नसंतोषी राजकारण्यांनी अधिकाऱ्यांना दमबाजी करून हे काम बंद पाडले. नंतर याच लोकांनी आमदार झाल्यावर सीना नदीच्या याच सुशोभीकरणाच्या कामासाठी विधानसभेमध्ये आवाज उठवला, असे प्रतिपादन आमदार संग्राम जगताप यांनी केले.
जगताप यांच्या स्थानिक विकास निधीतून गुलमोहोर रोडवरील आनंद विद्यालय परिसरातील बंद पाइप गटार काम व रस्ता डांबरीकरण कामाचा शुभारंभ करताना ते बोलत होते.
या वेळी नगरसेविका शोभा बोरकर, अशोक सोनवणे, ज्योती गाडे, नगरसेवक संपत बारस्कर, अजिंक्य बोरकर, बाळासाहेब बारस्कर, विनित पाऊलबुधे, अमोल गाडे, सदानंद कुलकर्णी, दौलत शिंदे, श्याम जोशी, उपस्थित होते.
- जगातील सर्वात महागडं पाणी, 1 लिटर बाटलीच्या किंमतीत आलीशान घर येईल! असं काय खास असतं या पाण्यात?
- जर्मनी, फ्रान्सनंतर आता भारतातही धावणार पहिली हायड्रोजनवर चालणारी ट्रेन! जाणून घ्या तिची वैशिष्ट्ये
- अहिल्यानगर जिल्ह्यात पावसाचा खंड, श्रावणातही पावसाने फिरवली पाठ, शेतकरी दुबार पेरणीच्या चिंतेत
- महाराष्ट्रातील ‘या’ शाळांमध्ये पहिली ते दहावीचे शिक्षण पूर्णपणे मोफत ! गणवेश, रेनकोट, पाठ्यपुस्तकांसहित सार काही मिळणार मोफत
- अहिल्यानगर जिल्ह्यातील शेतकऱ्यांसाठी मोठी बातमी, जिल्हा परिषद फवारणी ड्रोन खरेदी करण्यासाठी देणार ५ लाखांचे अर्थसहाय्य
