शिर्डी : जुन्या वादातून शिर्डीतील एका तरुणाला मद्य पाजवून त्याची धारदार शस्त्राने भाेसकून हत्या करण्यात आल्याची घटना बुधवारी घडली.
मनोज भीमा पाईक (२१) असे तरुणाचे नाव आहे. मंगळवारी रात्री साडेदहाच्या सुमारास हा खून झाला. पोलिसांनी १० जणांना अटक केली असून अन्य आरोपींचा शोध सुरू आहे. दरम्यान, मनोज पाईक याच्यावर धारदार शस्त्राने वार झाल्यानंतर त्याला रुग्णालयात दाखल करण्यात आले होते. मात्र, त्याचा उपचारापूर्वीच मृत्यू झाला.
फेब्रुवारीत रमेश वायदंडे व मनोज पाईक यांचा वाद झाला. हे प्रकरण मिटवण्यात आले होते. मंगळवारी रात्री सप्ताह मैदानावर मनोजला बोलावून घेण्यात आले. त्याला मद्य पाजून साथीदारांच्या मदतीने धारदार शस्त्राने वार करून ठार करण्यात आले.
शिर्डी पोलिसांनी आकाश मोहन शेजवळ, साईशुभम बाळासाहेब मोरे, सागर विठ्ठल मरसाळे, रमेश तान्हाजी वायदंडे, किरण बबन सोळसे, आकाश अशोक अरणे, रोहित नाना वीर, उमेश तान्हाजी वायदंडे, संजय दिलीप रायपूत, सागर हातांगळे या १० जणांना अटक केली.
- व्यवसायात सतत अपयश येतंय? वास्तुशास्त्रातील 7 चमत्कारी उपाय करून पाहा, लक्ष्मीच्या कृपेने तिजोरी पैशांनी गच्च भरेल!
- OnePlus यूजर्ससाठी आनंदाची बातमी! तब्बल 13 जुन्या मॉडेल्सला मिळणार नवीन OxygenOS 16 अपडेट; UI, गेमिंग, बॅटरी सगळं बदलणार
- शुक्रवार उपाय : देवी दुर्गेला प्रसन्न करण्यासाठी दर शुक्रवारी लावा तुपाचा दिवा आणि…; घरात येईल सुख-समृद्धी!
- 10 हजारांपेक्षाही कमी बजेटमध्ये विकत घ्या ब्रँडेड स्मार्ट टीव्ही, Amazon वर जबरदस्त टॉप-5 डील सुरू!
- ‘लाडकी बहीण योजने’तून तुमचं नाव काढलं तर नाही?, जून-जुलैचा हप्ता येण्याआधी ‘असं’ तपासा तुमचं नाव आहे की नाही!
