अहमदनगर Live24 टीम, 6 नोव्हेंबर 2020 :-कोपरगाव शहरातील उपनगर असलेल्या बेट येथून अपहरण झालेल्या अल्पवयीन विशाल रमेश भाकरे (वय 15) याचा तीन दिवसानंतर अखेर गोदावरी नदी पत्रातील पाण्यात मृतदेह सापडला आहे.
कोपरगाव येथील भाजीपाला विक्रेत्या महिलेचा विशाल हा मुलगा आहे. तीन चार दिवसांपासून त्याच्याशी कुटुंबियांचा काहीही संपर्क होत नव्हता.
राहत्या घरातून मंगळवारी दि.3 नोव्हेंबर रोजी सायंकाळी सात वाजेच्या सुमारास विशाल याचे अपहरण करण्यात आले होते. दरम्यान त्याच्या अपहरणाची तक्रार विशालची आई सौ सुनिता रमेश भाकरे (वय 35) यांनी कोपरगाव शहर पोलीस ठाण्यात दिली होती.
पोलीस तपास करीत असतांना आज शुक्रवारी दि 6 नोव्हेंबर रोजी अखेर त्याचा मृतदेह गोदावरी नदीपात्रात पाण्यात तरंगताना मिळाला आहे. विशालचा मृतदेह कोपरगाव ग्रामीण रुग्णालयात शवविच्छेदनासाठी पाठविण्यात आला असून पोलीस निरीक्षक राकेश माणगावकर यांच्या मार्गदर्शनाखाली पोलीस नाईक अर्जुन दारकुंडे हे तपास करीत आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
