Rajyog In January 2025:- आज 2025 या नवीन वर्षाचा पहिला दिवस असून अनेकांनी या नवीन वर्षाच्या सुरुवातीला आता काही गोष्टींचा संकल्प केला असेल व पूर्ण वर्षाच्या कालावधीमध्ये हे संकल्प पूर्ण करण्यासाठी जो तो प्रयत्न करताना आपल्याला दिसून येईल. नवीन वर्ष म्हणजे अनेक नवनवीन गोष्टींची सुरुवात किंवा नवनवीन गोष्टी घडण्याचा एक कालावधी असतो.
अगदी त्याचप्रमाणे काही नवीन गोष्टी या ग्रहताऱ्यांच्या बाबतीत देखील घडताना आपल्याला दिसून येतात व त्याची महत्वाची माहिती आपल्याला ज्योतिष शास्त्रामध्ये मिळत असते. काही कालावधीनंतर प्रत्येक ग्रह त्याच्या ठराविक वेळेनंतर राशी परिवर्तन करत असतो व या राशी परिवर्तनाचा चांगला किंवा वाईट परिणाम हा प्रत्येक राशीवर होत असतो. याप्रमाणे जर आपण चंद्राचा विचार केला तर चंद्र हा वेगाने फिरणारा ग्रह आहे व एका राशीमध्ये सुमारे अडीच दिवस राहतो.
त्यामुळे अडीच दिवसात एका राशीतून दुसऱ्या राशीत चंद्राचा प्रवेश होत असल्यामुळे कायम चंद्र कोणत्यातरी एका ग्रहाशी जोडला जात असतो व त्यामुळे अनेक शुभ किंवा अशुभ असे योग तयार होत असतात.
अगदी याचप्रमाणे जर आपण या जानेवारी महिन्याच्या दृष्टिकोनातून बघितले तर गुरु आणि चंद्राची युती होऊन गजकेसरी राजयोग तयार होणार आहे व त्यासोबतच शुक्राच्या उच्च राशीतील प्रवेशामुळे मालव्य राजयोग देखील तयार होणार आहे. या दोन्ही राजयोगांच्या प्रभावामुळे काही राशींना मात्र खूप मोठ्या प्रमाणावर फायदा होणार आहे. नेमक्या त्या भाग्यवान राशी कोणत्या आहेत? याबद्दलचीच माहिती आपण या लेखात बघणार आहोत.
गजकेसरी आणि मालव्य राजयोग या तीन राशींना करणार श्रीमंत
1- कुंभ राशी- या राशींच्या व्यक्तींना या कालावधीमध्ये अचानकपणे धनलाभ होण्याची शक्यता आहे व जोडीदारासोबत चांगला वेळ घालवाल. तसेच उत्पन्नामध्ये देखील वाढ होण्यास मदत होईल व कुटुंबात आनंदाचे वातावरण आपल्याला बघायला मिळेल. या कालावधीत या व्यक्तींची आर्थिक परिस्थिती देखील मजबूत राहील व अचानकपणे धनलाभ होतील.
तसेच कामानिमित्त लांबचे प्रवास करावे लागण्याची शक्यता आहे. आयुष्यामध्ये देखील अनेक मोठ्या स्वरूपाचे बदल घडून येतील. तसेच कर्ज असेल तर ते देखील फेडण्यास मदत होईल व नवनवीन गोष्टी शिकण्याच्या संधी उपलब्ध होतील.
2- मीन राशी- या दोन्ही राजयोगांमुळे मीन राशींच्या व्यक्तींना खूप अनुकूल आणि फायदेशीर अशा घटना घडणार आहेत. या व्यक्तींना प्रत्येक कामामध्ये त्यांच्या आई-वडिलांची साथ लाभेल व कामाच्या ठिकाणी मोठी जबाबदारी पार पाडाल. इतकेच नाही तर या कालावधीत आकस्मिक धनलाभ होण्याची दाट शक्यता आहे.
तसेच ज्या ठिकाणी काम करत असाल त्या ठिकाणी कामाचे खूप मोठे कौतुक होईल व मानसन्मान देखील वाढेल. वैवाहिक आयुष्यामध्ये काही ताणतणाव असतील तर ते दूर होण्यास मदत होईल व भौतिक सुख सुविधा देखील मिळतील. धार्मिक कार्यामध्ये मन रमेल व आयुष्यामध्ये काही अडचणी येतील पण त्या तुम्ही दूर करण्यासाठी सक्षम असाल.
3- वृषभ राशी- हे दोन्ही प्रकारचे राजयोग या राशींच्या व्यक्तींसाठी खूप सकारात्मक ठरणार आहेत. या कालावधीमध्ये मनासारखी नोकरी मिळू शकते व धनसंपत्ती देखील वाढ होईल. कुठे पैसे अडकलेले असतील तर ते तुम्हाला परत मिळतील. आयुष्यामध्ये चांगल्या स्वरूपाचे बदल पाहायला मिळतील व आर्थिक स्थिती या कालावधीत खूप चांगली राहील.
समाजात मानसन्मान वाढेल आणि वैयक्तिक आणि व्यावसायिक आयुष्यामध्ये देखील खूप मोठी प्रगती होण्याची शक्यता आहे. जवळपास या व्यक्तींना प्रत्येक क्षेत्रामध्ये यश मिळण्यास मदत होईल. स्पर्धा परीक्षांची तयारी करणाऱ्यांना उत्तम यश मिळेल. तसेच वैवाहिक जीवन सुखमय राहील व जे अविवाहित आहेत त्यांना लग्नाचा प्रस्ताव येऊन त्यांचे लग्न ठरेल.
( टीप- वरील माहिती वाचकांकरिता माहितीस्तव सादर केली आहे व या माहितीचे अहमदनगर लाईव्ह 24 कुठल्याही प्रकारचे समर्थन अथवा या माहिती विषयी कुठलाही दावा करत नाही.)