Shani-Surya Rajyog | शनि आणि सूर्य हे दोन बलवान ग्रह 16 एप्रिलपासून एकमेकांच्या प्रभावात येत असून ‘द्विद्वाश योग’ तयार करणार आहेत. या योगाचा परिणाम 3 राशींवर विशेष शुभ होणार आहे. या राशीच्या व्यक्तींना पदोन्नती, पैसा आणि समाजात मान-सन्मान मिळण्याचे संकेत आहेत. कोणत्या राशींना हे शुभ फल मिळेल हे जाणून घेऊयात-
ज्योतिषशास्त्रानुसार, जेव्हा दोन ग्रह एकमेकांपासून 30 अंशांवर असतात किंवा दुसऱ्या आणि बाराव्या घरात स्थित असतात, तेव्हा द्विद्वाश योग तयार होतो. 15 एप्रिल 2025 रोजी दुपारी 12:30 वाजता सूर्य आणि शनि एकमेकांपासून 30 अंशांवर असतील, त्यामुळे 16 एप्रिलपासून या योगाचा प्रभाव जाणवायला सुरुवात होईल. हा राजयोग खूपच शुभ मानला जातो आणि तो काही राशींना विशेष लाभ देऊ शकतो.
मिथुन राशी
मिथुन राशीसाठी हा राजयोग अत्यंत फायदेशीर ठरेल. आर्थिक क्षेत्रात नवे मार्ग खुले होतील. उत्पन्न वाढू शकते. व्यवसायात यश मिळेल आणि नवे सौदे होऊ शकतात. आत्मविश्वास वाढेल. पालकांचा आशीर्वाद लाभेल. आरोग्य उत्तम राहील आणि समाजात मान-सन्मान मिळेल. ही वेळ नवे प्रकल्प सुरू करण्यासाठी उत्तम ठरेल.
कुंभ राशी
कुंभ राशीच्या जातकांसाठी हा काळ सुवर्णकाळ ठरेल. नोकरी आणि व्यवसायात प्रगती होईल. बऱ्याच वेळेपासून रखडलेली कामे पूर्ण होतील. उत्पन्न वाढेल. आरोग्य चांगले राहील. आत्मविश्वासात वाढ होईल आणि तुम्हाला समाजात मान्यता मिळेल. तुमच्यावर शनी आणि सूर्य दोघांची कृपा असणार आहे.
कर्क राशी
कर्क राशीसाठीही द्विद्वाश योग अत्यंत शुभ ठरणार आहे. नोकरीत बढती आणि पगारवाढ होण्याची शक्यता आहे. जुनी प्रॉपर्टी किंवा वडिलोपार्जित मालमत्ता मिळू शकते. समाजात प्रतिष्ठा वाढेल. प्रलंबित कामे पूर्ण होतील. आनंद आणि समाधान याचा अनुभव आयुष्यात येईल.
हा शक्तिशाली योग केवळ आर्थिकच नव्हे तर मानसिक स्थैर्यही देईल. या काळात घेतलेले निर्णय तुमच्यासाठी फायदेशीर ठरतील. त्यामुळे या राजयोगाचा लाभ घ्या आणि योग्य दिशा निवडा.
