Rahu Gochar 2024:- ज्योतिष शास्त्रानुसार प्रत्येक ग्रह हा राशी परिवर्तन करत असतो हे आपल्याला माहिती आहे व यामुळे अनेक शुभ राजयोग तयार होतात व याचा चांगला व वाईट परिणाम बारा राशींवर होत असतो.
तसे पाहायला गेले तर या ग्रह परिवर्तनाचा परिणाम हा संपूर्ण मनुष्य जीवनावर दिसून येतो. ग्रहांच्या अशा राशी परिवर्तनामुळे काही राशींना प्रचंड प्रमाणात धनलाभ होतो तसेच प्रतिष्ठा देखील मिळत असते. तर काही राशींना मात्र नुकसानीला देखील सामोरे जावे लागते.
याच मुद्द्याला धरून जर आपण सध्या राहू या ग्रहाचा विचार केला तर साधारणपणे राहुला अशुभ ग्रह मानले जाते. परंतु राहू जर शुभ स्थितीमध्ये असेल तर मात्र व्यक्तीला आर्थिक लाभ तसेच मानसन्मान व प्रतिष्ठा देखील मोठ्या प्रमाणावर मिळू शकते.
सध्या जर आपण राहूची स्थिती पाहिली तर तो 30 ऑक्टोबर 2023 पासून मीन या राशीमध्ये आहे व ज्योतिष शास्त्रानुसार आता राहू विरुद्ध दिशेने कार्यरत दिसणार आहे. त्यामुळे आता काही राशींना खूप मोठ्या प्रमाणावर फायदा होणार आहे. नेमक्या या राशी कोणत्या आहेत? याबद्दलची माहिती आपण या लेखात बघू.
राहूच्या गोचरमुळे या तीन राशींचे नशीब पालटणार
1- तूळ राशी- सध्या तूळ राशीमध्ये राहू सप्तम स्थानावर असून या राशींच्या लोकांना खूप मोठा फायदा यामुळे होणार आहे. तूळ राशींच्या लोकांना भरपूर प्रमाणात धन लाभ होण्याची शक्यता असून जर या लोकांचा कुठे पैसा अडकला असेल तो देखील मिळणार आहे.
तसेच नोकरीच्या ठिकाणी या व्यक्तींची पदोन्नती म्हणजेच प्रमोशन देखील होणार आहे. तूळ राशीचे जे व्यक्ती व्यवसायिक असतील त्यांना देखील नफा मिळणार आहे. यादरम्यान कुठलाही निर्णय घेताना घाबरण्याची गरज नाही. तसेच मोठ्या प्रमाणावर आर्थिक स्थिती सुधारणार आहे व मानसन्मान देखील वाढणार आहे.
2- कुंभ राशी– कुंभ राशींच्या व्यक्तींना राहूची ही चाल खूप फलदायी ठरणार आहे. एवढेच नाही तर पुढच्या वर्षापर्यंत कुंभ राशींच्या व्यक्तींच्या जीवनामध्ये राहूमुळे शुभ परिणाम दिसून येणार आहेत. तसेच जीवनामध्ये स्थिरता येण्यास मदत होणार आहे व नोकरीच्या नवनवीन संधी मिळणार आहेत. तसेच जे व्यक्ती व्यवसायिक असतील त्यांना देखील व्यवसायामध्ये मोठ्या प्रमाणावर नफा मिळणार आहे.
3- मिथुन राशी- राहूच्या या स्थितीचा फायदा मिथुन राशींच्या व्यक्तींना देखील मोठ्या प्रमाणावर होणार आहे. सध्या राहू या राशीच्या दहाव्या स्थानावर असल्यामुळे मिथुन राशीच्या लोकांना मोठा धनलाभ होण्याची शक्यता आहे. या लोकांना मोठ्या प्रमाणावर यश प्राप्ती देखील होण्याची शक्यता आहे.
तसेच कामामध्ये काही अडचणी असतील तर त्या देखील दूर होतील. जर या राशींचे लोक नवीन काम हाती घेण्याचा विचार करत असतील तर नक्कीच सुरुवात करावी. कारण यामध्ये यश मिळण्याची शक्यता जास्त आहे. जे व्यक्ती नोकरीच्या शोधात असतील त्यांना देखील चांगली संधी मिळण्याची शक्यता आहे.
( टीप– वरील माहिती ज्योतिषशास्त्रावर आधारित असून ती तुमच्यापर्यंत पोहोचवण्यासाठी माध्यम म्हणून आम्ही काम करत आहोत. याविषयी कुठल्याही प्रकारचा आम्ही दावा करत नाहीत.)
