अहमदनगर Live24 टीम, 09 डिसेंबर 2020 :-बर्‍याच दिवसांपासून 5G ची वाट पाहणाऱ्या लोकांसाठी एक चांगली बातमी आहे. अब्जाधीश उद्योजक मुकेश अंबानी यांनी मंगळवारी इंडिया मोबाइल कॉंग्रेस येथे 5 जी सेवेबाबत मोठा खुलासा केला आहे. मुकेश अंबानी यांच्या म्हणण्यानुसार, रिलायन्स जिओ भारतात 2021 च्या उत्तरार्धात 5 जी लाँच करेल.
आत्मनिर्भर भारचे स्वप्न पूर्ण होईल:- अंबानी म्हणाले की, 5G ला धोरणात बदल आवश्यक असून प्रक्रियेस वेग द्यावा लागेल. ते म्हणाले की जोपर्यंत धोरण सोपे आणि स्वस्त केले जात नाही तोपर्यंत ते शक्य नाही. मुकेश अंबानी म्हणाले की, 2021 मध्ये जिओ भारतात 5 जी क्रांती घडवून आणेल. संपूर्ण नेटवर्क स्वदेशी असेल. याशिवाय हार्डवेअर व तंत्रज्ञानही स्वदेशी असेल. जिओच्या माध्यमातून आम्ही स्वावलंबी भारताचे स्वप्न पूर्ण करू. जिओ 5 जी क्रांतीचे नेतृत्व करेल.
30 कोटी ग्राहक अजूनही 2 जी मध्ये अडकले आहेत:- यावेळी अंबानी म्हणाले की, भारताने 5G स्पेक्ट्रमवर लवकरात लवकर निर्णय घ्यावा. येत्या काही काळात भारत सेमी कन्डक्टरचे उत्पादन केंद्र बनू शकेल. आपण केवळ सेमी कन्डक्टर कंडक्टरच्या आयातीवर अवलंबून राहू शकत नाही.
मुकेश अंबानी यांनी भारतात 300 दशलक्ष 2 जी फोन ग्राहकांना स्मार्टफोनमध्ये आणण्यासाठी धोरणात्मक हस्तक्षेपाचे समर्थन केले आहे. अंबानी म्हणाले की या 2 जी ग्राहकांना डिजिटल बदलांचा फायदा घेता येणार आहे. रिलायन्स इंडस्ट्रीजचे अध्यक्ष म्हणाले की, आज भारत हा जगातील सर्वाधिक डिजिटली कनेक्ट केलेला देश आहे.
ते म्हणाले की, आजही देशातील 30 कोटी ग्राहक 2 जीमध्ये अडकले आहेत आणि त्यांना स्मार्टफोनमध्ये आणण्यासाठी धोरणात्मक हस्तक्षेप आवश्यक आहे. हे ग्राहक स्मार्टफोनद्वारे डिजिटल व्यवहार देखील करू शकतील.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
