अहमदनगर Live24 टीम, 18 नोव्हेंबर 2020 :- स्पेस एक्स आणि टेस्लाचे प्रमुख असलेले एलन मस्क आता जगातील तिसरे श्रीमंत व्यक्ती ठरले आहेत.
त्यांची एकूण संपत्ती 110 अब्ज डॉलर्सपर्यंत वाढली आहे.मागील काही काळ मस्क काही कारणास्तव चर्चेत राहिले आहेत. त्यांना यापूर्वी कोरोनाचा संसर्ग झाला होता.
अलीकडेच त्यांच्या रॉकेट कंपनीने अंतराळात चार अंतराळवीर पाठवले आहेत. याशिवाय इलेक्ट्रिक कार कंपनी टेस्लाला एसएंडपी 500 कंपनीच्या लिस्टिंगमध्ये समाविष्ट करण्यात आले आहे.
पहिल्या क्रमांकावर आहेत जेफ बेझोस :- ब्लूमबर्ग बिलियनेअर इंडेक्सच्या यादीमध्ये 185 अब्ज डॉलर्ससह जेफ बेझोस पहिल्या क्रमांकावर, बिल गेट्स दुसर्‍या क्रमांकावर 129 अब्ज डॉलर्स,
तिसऱ्या क्रमांकावर 110 अब्ज डॉलर्ससह एलोन मस्क, 104 अब्ज डॉलर्सच्या संपत्तीसह चौथ्या क्रमांकावर आहेत मार्क जुकरबर्ग आणि बर्नार्ड अर्नाल्ट 102 अब्ज डॉलर्स संपत्तीसह पाचव्या क्रमांकावर आहेत.
टेस्लाबद्दलच्या बातमीनंतर एका दिवसात एलन मस्कच्या संपत्तीत 7.61 अब्ज डॉलर्स (50 हजार कोटींपेक्षा जास्त) वाढ झाली आहे.
आतापर्यंत त्यांची संपत्ती वार्षिक आधारावर 82 अब्ज डॉलर्सने वाढली आहे.टॉप -500 बिलिनेयरमध्ये यावर्षी मस्क यांची संपत्ती सर्वाधिक वाढली आहे.
वार्षिक मालमत्ता वाढीच्या बाबतीत ते पहिल्या क्रमांकावर आहे. दुसर्‍या क्रमांकावर जेफ बेझोस आहे. यावर्षी आतापर्यंत त्यांची संपत्ती सुमारे 70 अब्ज डॉलर्सने वाढली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reservedpp
