Business Idea : शेतकरी मित्रांनो (Farmer) या महागाईच्या काळात केवळ शेतीवर (Farming) विसंबून राहून चालणार नाही. यामुळे शेतीला शेती पूरक व्यवसायाची (Agriculture Business) सांगड घालणे आता अनिवार्य बनत चालले आहे. शेतीसोबतच (Agriculture) शेतीपूरक व्यवसाय केल्यास शेतकऱ्यांना चांगले अतिरिक्त उत्पन्न (Farmer Income) मिळतं असल्याचा दावा केला जातो.
अशा परिस्थितीत आज आपण आपल्या शेतकरी बांधवांसाठी शेतीसोबतच करता येणाऱ्या एका व्यवसायाची (Business News) माहिती घेऊन हजर झालो आहोत. मित्रांनो आज आपण एलोवेरा प्रोसेसिंग युनिट कशा पद्धतीने सुरू केले जाऊ शकते याविषयी सविस्तर जाणून घेण्याचा प्रयत्न करणार आहोत.
मित्रांनो जस की आपणास ठाऊकच आहे एलोवेरा म्हणजेच कोरफड एक औषधी वनस्पती असून याला बाजारात मोठी मागणी आहे. या पिकाला बाजारात चांगली मागणी आणि चांगला दर मिळत असल्याने याची शेती शेतकऱ्यांसाठी फायद्याचा सौदा सिद्ध होतं आहे.
मात्र जर शेतकरी बांधवांनी एलोवेरा प्रोसेसिंग युनिट (Aloe Vera Processing Unit) सुरू केले तर त्यांना अतिरिक्त कमाई होणार आहे. चला तर मग मित्रांनो वेळ न दवडता जाणून घेऊया एलोवेरा प्रोसेसिंग युनिट बिझनेस विषयी सविस्तर.
कोरफड हे औषधी पीक आहे. कोरफडीच्या लागवडीमुळे शेतकऱ्यांना कमी खर्चात अधिक नफाही मिळतो. आम्ही तुम्हाला सांगू इच्छितो की, यात सहसा कीड आणि रोग लागत नाहीत. एलोवेरा मधून काढलेले जेल विविध उत्पादनांमध्ये वापरले जाते.
आरोग्यापासून ते कॉस्मेटिकपर्यंत सर्वच गोष्टींमध्ये कोरफड जेल आणि ज्यूसचा वापर केला जातो. अशा परिस्थितीत शेतकरी कोरफडंवर प्रक्रिया करून अतिरिक्त नफा मिळवू शकतात. त्यामुळे कोरफडीची लागवड करणाऱ्या शेतकऱ्यांना त्याच्या प्रक्रियेसाठी प्रक्रिया युनिट स्थापन करण्याचा सल्ला दिला जातो.
अशा प्रकारे कोरफडीवर प्रक्रिया केली जाते
कोरफड पाण्यात पोटॅशियम मिसळून धुऊन स्वच्छ केले जाते.
यानंतर, लहान तुकडे गरम पाण्यात टाकून सोडले जातात.
मग त्यातून जेल काढण्याचे काम केले जाते.
जेल काढून टाकल्यानंतर, ते ब्लेंडिंग मशीनमध्ये टाकून 70 अंशांपर्यंत गरम केले जाते.
नंतर त्यापासून तयार केलेला रस प्रिझर्व्हेटिव्हमध्ये मिसळून फ्रीजमध्ये थंड केला जातो.
प्रिझर्व्हेटिव्ह्ज घातल्याने रस जास्त काळ टिकतो.
कोरफड प्रक्रिया युनिट सेट करण्यासाठी महत्वाच्या गोष्टी
ज्यूस प्रोसेसिंग युनिट सुरू करण्यासाठी व्यवसाय परवाना आणि काही आवश्यक कागदपत्रे मिळवणे बंधनकारक आहे.
हे युनिट जेल, ज्यूस किंवा ब्युटी प्रोडक्ट बनवण्यासाठी असेल की नाही हे सर्वप्रथम तुम्ही ठरवा.
यानंतर तुम्हाला युनिटनुसार व्यवसायाची नोंदणी करावी लागेल.
फॅक्टरी परवान्यासाठी राज्य प्राधिकरणाकडे अर्ज करावा लागतो.
प्रदूषण नियंत्रण मंडळाचे प्रमाणपत्रही घ्यावे लागेल.
या गोष्टी पूर्ण केल्यानंतर तुम्ही प्रक्रिया युनिट सुरू करू शकता.
या प्रोसेसिंग युनिटसाठी सुमारे 5 लाख रुपये खर्च अपेक्षित आहे.
एलोवेरा प्रोसेसिंग युनिटसाठी आवश्यक मशीन्स
शेतातून कोरफडीची पाने आणण्यासाठी कूलिंग व्हॅन
कोरफड जेल मॅन्युफॅक्चरिंग युनिट
जेल बाटली भरण्याचे मशीन
जेल चाचणी उपकरणे
