पुणे – नाशिक महामार्गावर घडला अपघात; तिघेजण जखमी

अहमदनगर Live24 टीम, 12 मार्च 2021:- कारने वाहनाला जोराची धडक देऊन झालेल्या अपघातात तीन जण जखमी झाले आहेत.

हा अपघात आज शुक्रवारी सकाळी ६ वाजेच्या सुमारास संगमनेर तालुक्यात घारगाव शिवारात पुणे नाशिक महामार्गावर घडला आहे.

दरम्यान या भीषण अपघातात चालक युवराज चंद्रकांत जाधव (वय ४६), स्मिता युवराज जाधव (वय ४०), वैष्णवी युवराज जाधव (वय १८ सर्व) रा. पिंपरी चिंचवड हे एकाच कुटुंबातील तिघे जण जखमी झाले आहेत.

जखमींना आळेफाटा येथील एका खासगी रुग्णालयात उपचारासाठी दाखल करण्यात आले आहे. याबाबत अधिक माहिती अशी कि, पुणे नाशिक महामार्गावर घारगाव शिवारात लक्ष्मी हॉटेलजवळ कारने पाठीमागून अज्ञात वाहनाला धडक दिल्याने अपघात घडला.

या अपघातात कारचे मोठे नुकसान झाले आहे. हा अपघात झाल्याची माहिती समजताच पोलीस पथक घटनास्थळी दाखल झाले. दरम्यान पोलिसांनी क्रेनच्या सहायाने कार बाजूला घेण्यात येऊन वाहतूक सुरळीत करण्यात आली.

• ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
• अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|