ATM Cash Withdrawal Charges : देशातील सर्व मोठ्या सरकारी आणि खाजगी बँकांनी एटीएममधून (ATM) पैसे काढण्याच्या नियमात बदल केले आहेत. यामध्ये आर्थिक आणि गैर-आर्थिक सेवांचा (Non-financial services) समावेश आहे.
नवीन नियमांनुसार आता तुम्हाला 1 महिन्यात निर्धारित एटीएम पेक्षा जास्त पैसे काढण्यासाठी अतिरिक्त चार्ज द्यावा लागणार आहे. त्यामुळे सर्वसामान्यांना मोठा फटका बसला आहे.
जाणून घ्या कोणत्या बँकेचे नवीन नियम काय आहेत
SBI:
जर मेट्रो शहरांमध्ये गेला तर येथे विनामूल्य व्यवहारांची संख्या 3 पर्यंत मर्यादित आहे. एसबीआय एटीएममधील (SBI) मोफत मर्यादेपेक्षा जास्त पैसे काढण्यासाठीचे व्यवहार 10 रुपये आकारतात.
एसबीआय इतर बँकेच्या एटीएममधील अतिरिक्त आर्थिक व्यवहारांसाठी प्रति व्यवहार 20 रुपये आकारते. शुल्काव्यतिरिक्त, ग्राहकाच्या खात्यातून लागू जीएसटी देखील आकारला जातो.
PNB:
PNB एटीएममध्ये (PNB ATM) महिन्याचे 5 व्यवहार मोफत देते. तसेच, कोणत्याही आर्थिक व्यवहारासाठी 10 रुपये शुल्क भरावे लागेल. PNB व्यतिरिक्त इतर बँकांच्या ATM मधून व्यवहार करण्याचे नियम वेगळे आहेत.
मेट्रो शहरात 3 मोफत व्यवहार आणि नॉन-मेट्रो शहरात 5 मोफत व्यवहारांचा नियम आहे. इतर बँकेच्या एटीएममधून मोफत मर्यादेनंतर आर्थिक किंवा गैर-आर्थिक व्यवहार करण्यासाठी 20 रुपये शुल्क आकारले जाते.
एचडीएफसी बँक:
HDFC बँकेच्या (HDFC Bank) एटीएममधून महिन्याभरात फक्त पहिले 5 पैसे काढणे मोफत आहे. रोख पैसे काढण्यासाठी प्रति व्यवहारासाठी 20 रुपये अधिक कर, गैर-आर्थिक व्यवहारांसाठी 8.5 रुपये अधिक कर. 6 मेट्रो शहरांमध्ये (मुंबई, दिल्ली, चेन्नई, कोलकाता, हैदराबाद आणि बेंगळुरू) इतर कोणत्याही बँकेच्या एटीएममध्ये 3 विनामूल्य व्यवहारांना परवानगी आहे.
महिनाभरात इतर ठिकाणी 5 विनामूल्य व्यवहार (आर्थिक आणि गैर-आर्थिक) करण्याची परवानगी आहे. इतर बँकेच्या एटीएम किंवा मर्चंट आउटलेटमध्ये पुरेशी शिल्लक, जर व्यवहार नाकारला गेला, तर रु.25 चे शुल्क भरावे लागेल.
ICICI:
एका महिन्यात ICICI ATM मधून 5 व्यवहार मोफत आहे. त्यानंतर एटीएममधून पैसे काढण्यासाठी 20 रुपये अधिक जीएसटी भरावा लागेल. ही मर्यादा आर्थिक व्यवहारांसाठी आहे तर बिगर आर्थिक व्यवहारांसाठी 8.50 रुपये अधिक जीएसटी आहे.
ॲक्सिस बँक:
ॲक्सिस बँकेच्या एटीएममधून एका महिन्यात 5 आर्थिक व्यवहार विनामूल्य आहेत. मेट्रो शहरांमध्ये आर्थिक आणि गैर-आर्थिक 3 व्यवहार विनामूल्य आहेत. इतर ठिकाणी एका महिन्यात 5 व्यवहार मोफत आहेत.
ॲक्सिस आणि नॉन-ॲक्सिस एटीएममधून मर्यादेबाहेर रोख रक्कम काढल्यास प्रति व्यवहारासाठी 21 रुपये द्यावे लागतील.
पूर्वी बँका प्रति व्यवहारासाठी 20 रुपये आकारत असत
मुंबई, दिल्ली, चेन्नई, कोलकाता, बंगळुरू आणि हैदराबाद या सहा मेट्रो शहरांमधील बँकेच्या एटीएममधून पैसे काढण्यासाठी पहिले 3 व्यवहार पूर्णपणे मोफत आहेत. यामध्ये आर्थिक आणि गैर-आर्थिक दोन्ही व्यवहारांचा समावेश आहे.
तर बिगर मेट्रो शहरांमध्ये तुम्ही एटीएममधून 5 वेळा पैसे काढू शकता. यानंतर, मेट्रो शहरांमध्ये आर्थिक व्यवहारांसाठी प्रति व्यवहारासाठी 20 रुपये आणि गैर-आर्थिक व्यवहार म्हणून 8.50 रुपये द्यावे लागतील. जे आता 21 पर्यंत वाढवण्यात आले आहे.
यामुळे व्यवहार शुल्क वाढले आहे
एटीएम मशिन बसवणे आणि देखभालीशी संबंधित बँकांच्या खर्चात वाढ झाल्याने व्यवहार शुल्कात वाढ करण्याचा निर्णय घेण्यात आला आहे. 2020-21 या आर्थिक वर्षाच्या शेवटी, देशभरात 1,15,605 ‘ऑनसाइट’ (बँकेच्या परिसरात) एटीएम आणि 97,970 ‘ऑफसाइट’ (बँकेच्या जागेव्यतिरिक्त) एटीएम होते.
