अहमदनगर Live24 टीम, 20 ऑगस्ट 2021 :- रस्त्यावरील वाहतूक कोंडी होऊ नये यासाठी वाहतूक विभागाकडून अनेक ठिकाणी नो पार्किंग झोन तयार करण्यात येतात. या नो पोर्किंग परिसरात गाडी उभी असल्यास वाहतूक पोलीस टोईंग करतात आणि दंड वसूल करतात. मात्र, पुण्यातून आता एक अजब प्रकार समोर आला आहे.
नो पार्किंगमधील बाईक वाहतूक पोलिसांनी थेट चालकासह टोईंग केल्याचा धक्कादायक प्रकार समोर आला आहे. या घटनेचा धक्कादायक व्हिडीओ सध्या सोशलवर प्रचंड व्हायरल होत आहे. पोलिसांच्या या कारवाईमुळे नागरिकांमधून संताप व्यक्त केला जातो आहे.
दरम्यान याबाबत अधिक माहिती अशी कि, वाहतूक पोलिसांनी पुण्यातील नाना पेठ परिसरात एका दुचाकीस्वाराला गाडीसकट टोईंग व्हॅनमध्ये उचलून ठेवले. या घटनेने एकच खळबळ उडाली आहे.
दुचाकी स्वारांना अडवून काही न काही कारणे सांगून अडविणे, त्यांच्याकडून वसुली करणे, हे प्रकार शहरात सर्रासपणे घडत असल्याचा आरोप नागरिकांकडून करण्यात येत आहे.त्यातच आता नाना पेठ परिसरात वाहतूक पोलिसांनी गाडी सकट दुचाकीस्वाराला उचलून टोईंग व्हॅनमध्ये गाडी ठेवली.
यावेळी वाहतूक पोलिसाने दुचाकीस्वाराची गाडी नो-पार्कींगमध्ये असल्याचा दावा केला. परंतु, वाहनचालक जर चुकत असेल तर अशा चुकीच्या पध्दतीने कारवाई करण्याची चूक वाहतूक पोलिसाने करणे, तरी कुठपत योग्य आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
