अहमदनगर Live24 टीम, 25 एप्रिल 2021 :-जे नागरिकांना कोराेना नियमांचे पालन करण्यास सांगतात. त्या उपमुख्यमंत्र्यांनीच एका हळदी समारंभात गर्दीत नृत्य करून कोरोना नियमांना हरताळ फासला.
उपमुख्यमंत्री नृत्य करतानाचा हा िव्हडीओ व्हायरल झाल्याने एकच खळबळ उडाली आहे. हा प्रकार गोवा राज्यात घडला आहे. उपमुख्यमंत्री तथा पर्यटनमंत्री बाबू आजगांवकर हे एका हळदी समारंभात गर्दीत नृत्य करत होते.
हळदी समारंभातील नृत्यामध्ये सहभागी झालेल्या अनेकांनी तोंडावर मास्क लावलले नव्हते, तसेच सोशल डिस्टन्सिंगचे नियम धुडकावून नृत्य सुय असल्याचे व्हिडिओमध्ये दिसते. काँग्रेस पक्षाचे प्रदेशाध्यक्ष गिरीश चोडणकर यांनी याबाबत तीव्र संताप व्यक्त केला.
ते म्हणाले, एकीकडे रुग्णांना उपचारासाठी सरकारकडे खाटा नाहीत तसेच अन्य कोणत्याही सुविधा हे सरकार देऊ शकलेले नाही. तर दुसरीकडे उपमुख्यमंत्री पार्ट्यांमध्ये दंग आहेत. महामारीचे कोणतेही भान न ठेवता गर्दीत नृत्यामध्ये उपमुख्यमंत्री हे दंग आहेत.
दरम्यान, उपमुख्यमंत्री आजगांवकर म्हणाले की, माझ्या पुतणीचे लग्न रविवारी आहे. त्यानिमित्त हळदी समारंभ शनिवारी होता. त्यात केवळ आमचे कुटुंबीय सहभागी झाले होते. इतर कोणाला आम्ही बोलावले नव्हते.
कुटुंबातील मोजक्याच सदस्यांबरोबर हळदी समारंभासाठी नृत्य करण्यात काही हरकत आहे, असे मला वाटत नाही.
लग्नसमारंभालाही आम्ही ७० पेक्षा अधिक लोकांना बोलावलेले नाही. कोविडची सर्व मार्गदर्शक तत्त्वे पाळूनच आम्ही हा विवाह समारंभ करीत आहोत. लोकांनीही मार्गदर्शक तत्वे पाळायला हवीत.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
