नवी दिल्ली : भारतात डिजिटल पेमेंट (Digital Payment) करणाऱ्यांची संख्या दिवसेंदिवस वाढत आहे. आता तुम्हाला तुमच्या खिशात पैसे (Money) ठेवण्याची गरज नाही, कारण तुम्ही तुमच्या फोनवरूनच छोटी आणि मोठी पेमेंट करू शकता.
मात्र, आता तुमचे शुल्क UPI व्यवहारांवरही कापले जाऊ शकते. असे काही अहवाल आले आहेत. एकीकडे जिथे सरकारने देशात डिजिटल वाढवण्यासाठी पावले उचलली आणि आज सर्व काही डिजीटल झाले आहे, तिथे आता शुल्क आकारण्याचेही बोलले जात आहे.
वास्तविक, रिझव्‍‌र्ह बँकेने (Reserve Bank) याबाबत ‘चर्चा पेपर इन चार्जेस इन पेमेंट सिस्टम’ (Discussion Paper in Charges in Payment Systems) जारी केला आहे.
या प्रस्तावावर प्रतिक्रिया मागविण्यात आल्या आहेत. अहवालानुसार, रिझर्व्ह बँक पेमेंट सिस्टम आणि पेमेंट सेटलमेंटसाठी तयार केलेल्या पायाभूत सुविधांच्या विकासाचा खर्च वसूल करण्यासाठी पर्याय शोधत आहे.
रिझर्व्ह बँकेने जारी केलेल्या पेपरमध्ये, UPI चे वर्णन IMPS प्रमाणेच निधी हस्तांतरण प्रणाली म्हणून केले आहे. अशा परिस्थितीत, UPI साठी IMPS सारख्या निधी हस्तांतरण व्यवहारांवर शुल्क आकारण्यासाठी पावले उचलली जाऊ शकतात. वेगवेगळ्या रकमेवर शुल्क आकारले जाऊ शकते, असे रिझर्व्ह बँकेने म्हटले आहे.
UPI सोबतच, रिझर्व्ह बँकेने डेबिट कार्ड (Debit card) व्यवहार, RTGS, NEFT इत्यादींच्या शुल्कावरही टिप्पण्या मागितल्या आहेत. त्याचवेळी, रिझव्‍‌र्ह बँकेचे म्हणणे आहे की, आम्ही पैसे कमावण्यासाठी हे सर्व करत आहोत, असा विचार करू नये, तर आम्ही तयार केलेल्या व्यवस्थेत खर्च केलेला पैसा परत आणण्याचा हा प्रयत्न आहे.
