Dussehra 2022: रावणावर (Ravana) रामाच्या (Lord Rama) विजयाचा आनंद म्हणून दसरा सण (Dussehra festival) साजरा केला जातो. वाईटावर चांगल्याचा विजय म्हणून दरवर्षी अश्विन महिन्याच्या शुक्ल पक्षाच्या दहाव्या दिवशी दसरा साजरा केला जातो.
हा सण असत्यावर सत्याच्या विजयासोबतच आपल्यातील वाईट गोष्टींचा नाश करण्याचा संदेशही देतो. याचा एक पैलू असा आहे की आपण पैशाच्या व्यवस्थापनातील (money management) दुष्कृत्ये देखील दूर केली पाहिजेत.
सर्टिफाईड फायनान्शिअल प्लॅनर प्रो. तारेश भाटिया (Certified Financial Planner Prof Taresh Bhatia) सांगतात की, या दसऱ्याला आपण आपल्यातील आर्थिक राक्षस (evil) नष्ट करायला हवे. ज्यामुळे भविष्य आनंदी राहील आणि आर्थिक समस्या उद्भवणार नाहीत. भाटिया यांनी येथे अशा 10 चुका दूर करण्याचा सल्ला दिला आहे.
1. आपत्कालीन निधी तयार न करणे
2. नोकरीच्या सुरुवातीला निवृत्तीचे नियोजन न करणे
3. गुंतवणूक करताना आर्थिक उद्दिष्टे निश्चित न करणे
4. जोखीम प्रोफाइलनुसार गुंतवणूक न करणे
5. योग्य मालमत्ता वाटपाचे पालन न करणे
6. भावनिक गुंतवणूक निर्णय घेणे
7. बाजारातील सट्ट्याच्या आधारावर स्टॉकची खरेदी आणि विक्री करणे
8. पद्धतशीर आणि नियमित गुंतवणूक न करणे
9. पोर्टफोलिओ वाढण्यास वेळ न देणे
10. पुरेसे विमा संरक्षण नसणे
दसऱ्यापासून नवीन सुरुवात करा
तारेश भाटिया सांगतात, सामान्यतः लोक या 10 प्रकारच्या आर्थिक चुका करतात, ज्यामुळे त्यांना कधी-कधी मोठ्या अडचणी येतात. उदाहरणार्थ, पुरेसे आरोग्य कवच नसल्यास, अचानक रुग्णालयात दाखल करण्यासाठी तुम्हाला तुमच्या खिशातून खूप मोठे बिल द्यावे लागेल.
त्याचप्रमाणे आपत्कालीन निधी ठेवला पाहिजे. आजच्या स्पर्धात्मक काळात अचानक नोकरी गेली किंवा व्यवसायात तोटा झाला तर आपत्कालीन निधीतून घरखर्च सहजपणे चालवता येतो. तारेश म्हणतात, गुंतवणुकीबाबत काही महत्त्वाच्या गोष्टींचा विचार अनिवार्यपणे करायला हवा.
उदाहरणार्थ, नेहमी तुमच्या जोखमीच्या क्षमतेनुसार गुंतवणुकीचा पर्याय निवडा. चौकशीशिवाय भावनांच्या भरात किंवा दुसऱ्याच्या सांगण्यावरून कधीही गुंतवणूक करू नका. त्याच वेळी, मालमत्ता वाटप, गुंतवणुकीच्या नियमित सवयी आणि दीर्घकालीन दृष्टीकोन देखील महत्त्वाचे आहेत. हे तुमच्या गुंतवणुकीला चक्रवाढीची शक्ती देते.
(तरेश भाटिया हे SEBI नोंदणीकृत गुंतवणूक सल्लागार फर्म, Advantage Financial Planners LLP चे भागीदार आहेत.)
