Solar Pump: शेतकऱ्यांसमोर सिंचनाचा मोठा प्रश्न निर्माण झाला आहे. वीज संकटात हा प्रश्न अधिकच गंभीर झाला आहे. त्याचा थेट परिणाम शेतकऱ्यांवरही दिसून येत आहे. मात्र, या समस्येतून शेतकऱ्यांना वाचवण्यासाठी केंद्र सरकारने (central government) एक योजना सुरू केली होती. या योजनेंतर्गत शेतकऱ्यांना अनुदानावर सौरपंप (Solar pumps on subsidy) दिले जाणार आहेत.
इतकी सबसिडी मिळवा –
या योजनेंतर्गत शेतकरी (farmer), शेतकरी पंचायती, सहकारी संस्था (cooperative societies) सौर पंप खरेदी आणि बसवण्यासाठी अर्ज करू शकतात. असे केल्याने शेतकऱ्यांना 60 टक्क्यांपर्यंत अनुदानही दिले जाते.
तसेच सरकार सौरऊर्जा प्रकल्प (solar power plant) उभारण्यासाठी खर्चाच्या 30% कर्ज देखील देते. या प्रकल्पासाठी शेतकऱ्यांना केवळ 10 टक्के खर्च करावा लागणार आहे.
लाखांचा नफा मिळवू शकतो –
शेतकरी याद्वारे शेतातील सिंचनाची गरज पूर्ण करू शकतात. तसेच ते 4 ते 5 एकर जमिनीवर सौरऊर्जा प्रकल्प उभारून 15 लाख वीज युनिट्सची (power units) निर्मिती करू शकतात.
वीज विभागाने जर ते 3 रुपये 7 पैसे दराने विकत घेतले तर तुम्हाला वार्षिक 45 लाखांपर्यंतचे उत्पन्न सहज मिळू शकते. म्हणजे शेतकर्‍यांचा सिंचनाचा प्रश्न तर सुटणारच, सोबतच त्यांना उत्पन्नाचा ठराविक स्त्रोतही उपलब्ध होणार आहे.
येथे सर्व माहिती मिळवा –
माहितीअभावी शेतकऱ्यांना या योजनेचा लाभ घेता येत नाही. केंद्रासह राज्य सरकारे आपापल्या स्तरावर ती चालवतात. अशा परिस्थितीत अधिक माहितीसाठी, शेतकरी त्यांच्या राज्यांच्या विद्युत विभागाशी संपर्क साधून इतर माहिती मिळवू शकतात. याशिवाय पीएम कुसुम योजनेच्या (PM Kusum Yojana) वेबसाइटला भेट देऊनही शेतकरी याबाबत महत्त्वाची माहिती मिळवू शकतात.
