Government Scheme : केंद्र सरकार महिलांसाठी विविध योजना राबवत असून महिलांना आर्थिक मदतही दिली जात आहे. अलीकडेच एका व्हिडिओमध्ये पंतप्रधान नारी शक्ती योजनेअंतर्गत सर्व महिलांना 2 लाख 20 हजार रुपये दिले जात असल्याचा दावा केला जात आहे.
व्हिडिओमध्ये दावे केले जात आहेत
सध्या सोशल मीडियावर अनेक प्रकारचे व्हिडिओ व्हायरल होत आहेत, ज्यामध्ये सरकार गरीब, महिला आणि गरजूंना आर्थिक मदत करत असल्याचा दावा केला जात आहे. हा व्हिडिओ पाहिल्यानंतर पीआयबीने ही बातमी खरी आहे की खोटी याची सत्यता पडताळून पाहिली आहे.
पीआयबीने वस्तुस्थिती तपासली
पीआयबी फॅक्ट चेकने आपल्या अधिकृत ट्विटमध्ये लिहिले आहे की, ‘इंडियन जॉब’ नावाचे #YouTube चॅनल दावा करत आहे की केंद्र सरकार ‘प्रधानमंत्री नारी शक्ती योजने’ अंतर्गत सर्व महिलांना 2 लाख 20 हजार रुपये देणार आहे.
केवळ अधिकृत वेबसाइटवर विश्वास ठेवा
या दाव्यातील सत्यता जाणून घेतल्यानंतर सरकारने म्हटले आहे की, कोणत्याही प्रकारच्या फेक न्यूजवर विश्वास ठेवू नका. केंद्र सरकारकडून अशी कोणतीही योजना राबविली जात नाही. सरकारच्या कोणत्याही योजनेची माहिती हवी असल्यास अधिकृत वेबसाइटवरच संपर्क साधा.
