अहमदनगर Live24 टीम, 19 एप्रिल 2021 :- साध्य कोरोनाने देशभरासह जिल्ह्यात कहर माजवला आहे. येथे विविध रुग्णालयात दररोज मोठ्या संख्येने कोरोनाग्रस्त रुग्ण मृत्यूमुखी पडत आहे.
त्यामुळे मृत झालेल्या कोरोनाग्रस्त रुग्णांच्या मृतदेहावर अंत्यविधीसाठी शहरातील अमरधाम अपुरे पडत आहे.
तसेच रुग्णालयाततुन मृतदेह अमरधाममध्ये आनण्यास काही रुग्णवाहिका चालक जास्त पैशाची मागणी करत असल्याचे देखील प्रकार घडले आहेत.
अशा बिकट परिस्थितीत सामाजिक भावनेने नागापूर भाजीपाला व्यापारी असोसिएशन पुढाकार घेऊन, नागापूर येथील ‘कैलासधाम’ या स्मशानभूमीत कोरोना रुग्णांच्या अंत्यविधीची जबाबदारी उचलली आहे.
तसेच रुग्णालयातुन कोरोनाग्रस्त रुग्णाचे मृतदेह आनण्यासाठी अत्यल्पदरात शववाहिका देखील उपलब्ध करुन देण्यात आले असल्याची माहिती असोसिएशनचे अध्यक्ष अंतोन गायकवाड यांनी दिली.
कोरोनाने शहरासह जिल्ह्याची परिस्थिती गंभीर बनली असताना, दररोज कोरोना रुग्णांचे मृतदेहांचे खच पडत आहेत.
याचा ताण शहरातील एकमेव अमरधामवर पडत असताना दररोज ३० ते ४० पेक्षा जास्त मृतदेह अंत्यसंस्काराला येत आहे. विद्युतदाहिनीची क्षमता केवळ २० मृतदेहाची असल्याने उर्वरीत मृतदेहांची ओट्यावर चिता रचून अंत्यसंस्कार करण्याचे कार्य सुरु आहे.
अशा परिस्थितीमध्ये केडगाव अमरधामच्या धर्तीवर नागापूर येथे महापौर बाबासाहेब वाकळे यांच्या सुचनेनूसार कोरोनाने मृतपावलेल्या रूग्णांच्या मृतदेहावर अंत्यसंस्काराची व्यवस्था करण्यात आली आहे.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
