IMD Alert : यंदाचा मान्सून (Monsoon) वेळेआधीच दाखल झाल्यामुळे दिलासा मिळाला आहे. लवकरच मान्सून सर्वदूर पसरेल असे हवामान विभागाकडून (Meteorological Department) सांगण्यात आले आहे. तसेच पुढील ४ ते ५ दिवसात काही राज्यांमध्ये मुसळधार पावसाची (Heavy rain) शक्यता वर्तवण्यात आली आहे.
नैऋत्य मान्सून (Southwest monsoon) बंगालच्या उपसागरातून ईशान्य भारतात (Northeast India) दाखल झाला आहे. आसाम आणि मेघालयात येत्या दोन दिवसांत मुसळधार पाऊस पडण्याची शक्यता आहे.
याशिवाय केरळ, तामिळनाडू आणि कर्नाटकच्या काही भागात मान्सूनने दणका दिला आहे. मात्र, उत्तर भारतातील रहिवाशांना वर्षातील पहिला मान्सूनचा पाऊस पाहण्यासाठी जून अखेरपर्यंत वाट पाहावी लागणार आहे.
भारत मेट्रोलॉजिकल डिपार्टमेंट (IMD) ने सांगितले की नैऋत्य मान्सून उत्तर-पश्चिम बंगालच्या उपसागराच्या काही भागात, ईशान्य आणि पूर्व मध्य बंगालच्या उपसागराच्या काही भागात पुढे सरकला आहे. यासोबतच ते मिझोराम, मणिपूर आणि नागालँडच्या बहुतांश भागात पोहोचले आहे.
त्याचवेळी, बुधवारी मान्सून कर्नाटकातील बेंगळुरू, चिकमंगळूर आणि कारवारमध्ये पोहोचला होता. 29 मे रोजीच केरळमध्ये मान्सूनच्या आगमनाची घोषणा हवामान खात्याने केली होती. मात्र, साधारणपणे 1 जून रोजी मान्सून केरळमध्ये पोहोचतो.
आयएमडी अंदाज
समुद्रावरून येणारे मान्सून वारे पाहता, IMD ने पुढील चार दिवस कर्नाटक, केरळ, माहे आणि लक्षद्वीपच्या किनारी आणि दक्षिणेकडील भागात पावसाचा अंदाज वर्तवला आहे.
हवामान खात्याच्या म्हणण्यानुसार, पुढील चार दिवस आंध्र प्रदेश, तेलंगणा, उत्तर अंतर्गत कर्नाटक, तामिळनाडू, पुद्दुचेरी आणि कराईकलच्या काही भागात पाऊस पडू शकतो.
त्याचवेळी वायव्य भारतात कमाल तापमानात वाढ होत आहे. हवामान खात्याने पुढील दोन दिवस राजस्थान, दक्षिण पंजाब आणि दक्षिण हरियाणामध्ये उष्णतेच्या लाटेचा इशारा दिला आहे.
यंदा मान्सून सामान्य राहण्याची अपेक्षा आहे, असे आयएमडीने म्हटले आहे. यावेळी ईशान्य भारत आणि नैऋत्य द्वीपकल्पातील सर्वात खालचा भाग वगळता देशभरात मान्सूनच्या पावसाचे वितरण समान असेल.
