अहमदनगर Live24 टीम, 2 जून 2021 :- एसबीआयच्या ग्राहकांसाठी एक महत्वाची बातमी समोर आली आहे. बँकेने पुन्हा एकदा आपल्या शाखांमधील बँकिंग कार्यांची वेळ बदलली आहे.
कोरोनामुळे एसबीआयने बँक शाखांची वेळ कमी केली होती. पण आता त्यात पुन्हा वाढ करण्यात आली आहे. 1 जूनपासून एसबीआय शाखा 10 ते दुपारी 4 या वेळेत काम करतील.
जर तुम्ही एसबीआय ग्राहक असाल तर बँकिंगसाठी तुम्ही सकाळी 10 ते सायंकाळी 4 या वेळेत बँकेच्या शाखेत जाऊ शकता. देशभरात कोरोनाची प्रकरणे मोठ्या प्रमाणात कमी झाली आहेत.
हे लक्षात घेता एसबीआयने कामकाजाच्या तासात 2 तासांची वाढ केली आहे. ग्राहकांसाठी सुविधा बँकिंगच्या वेळेत 2 तासांची वाढ ही एसबीआय ग्राहकांसाठी चांगली बातमी आहे.
बँक अधिकाऱ्यांच्या म्हणण्यानुसार कोरोनामुळे बँकेची वेळ कमी झाली. परंतु हळूहळू कोरोना प्रकरणांची संख्या कमी होत आहे, त्या दृष्टीने बँकिंगचे वेळ पुन्हा वाढविण्यात आली आहे.
याशिवाय बचत खात्याच्या पासबुकद्वारे पैसे काढण्याचे फॉर्म भरून आपण 25000 रुपयांपर्यंत पैसे काढू शकता.
आतापर्यंतची मर्यादा फक्त 5000 रुपये होती स्टेट बँक ऑफ इंडियाने नॉन-ब्रँच शाखांसाठी रोख पैसे काढण्याची मर्यादा तात्पुरती वाढविली आहे.
याशिवाय बँकेने शाखांमध्ये नॉन-होम थर्ड पार्टी रोख रक्कम काढण्यासही मान्यता दिली आहे. एसबीआयने नॉन-होम शाखेतून रोख पैसे काढण्याची मर्यादा दुप्पट केली आहे ती 50,000 रुपयांवरून एक लाखांपर्यंत केली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
