Benefits Of Chyawanprash : पावसाळा येताच सोबत अनेक आजारही घेऊन येतो, म्हणूनच या मोसमात आरोग्याची विशेष काळजी घेण्याचा सल्ला दिला जातो. पावसाळ्यात प्रत्येकाची रोगप्रतिकारक शक्ती खूप कमकुवत होते. या मोसमात प्रत्येकजण सहज आजारी पडतो. म्हणूनच या दिवसांमध्ये चांगला आहार घेणे आवश्यक आहे .
अशातच पावसाळ्यात अशीच एक गोष्ट आपल्या आहारात समाविष्ट करणे गरजेची आहे ती म्हणजे च्यवनप्राश. हे एक प्रकारचे आयुर्वेदिक हर्बल टॉनिक आहे. त्याचा वर्षानुवर्षे भारतीय वैद्यकीय व्यवस्थेतही वापर केला गेला आहे. तसे, लोक हे विशेषतः हिवाळ्यात खातात. पण, पावसाळ्याच्या दिवसातही याचा वापर केला जाऊ शकतो आणि तुम्हाला त्याचे अनेक फायदे देखील मिळू शकतात. आजच्या या लेखात आपण याच्या फाद्यांबद्दलच जाणून घेणार आहोत.
पावसाळ्यात च्यवनप्राश खाण्याचे फायदे
च्यवनप्राश विविध औषधी वनस्पती, मसाले आणि औषधी वनस्पतींपासून बनवले जाते. यामुळेच याचे सेवन केल्याने मोसमी संक्रमण आणि आजार टाळण्यास मदत होते. शिवाय, जेव्हा तुम्ही नियमितपणे च्यवनप्राशचे सेवन करता, त्यामुळे ते रोगप्रतिकारक प्रतिक्रिया सुधारण्याचे काम करते.
पावसाळ्याच्या दिवसात काही लोकांना श्वसनाचाही त्रास जाणवतो. अशातच च्यवनप्राशचे रोज सेवन केल्यास हा त्रास कमी होऊ शकतो. खरं तर, च्यवनप्राशमध्ये तुळशी आणि पुष्करमूल सारख्या अनेक औषधी वनस्पती असतात, ज्यामुळे ते श्वसनाच्या समस्यांवर फायदेशीर ठरते. याच्या सेवनाने श्वासोच्छवासाच्या समस्यांच्या लक्षणांमध्येही घट दिसून येते.
पावसाळ्यात खाण्यापिण्याच्या बाबतीत खूप काळजी घ्यावी लागते. या दिवसांत जर कोणी स्ट्रीट फूड, तळलेले पदार्थ जास्त प्रमाणात खाल्ले तर त्याला पचनाचा त्रास होऊ शकतो. म्हणूनच, पावसाळ्याच्या दिवसात, बहुतेक लोकांना पोटदुखी, पोटात गॅस तयार होणे अशा अनेक समस्या उद्भवू लागतात. अशा परिस्थिती तुम्ही च्यवनप्राशचे सेवन करू शकता.
पावसाळ्याच्या दिवसात अनेकांना खूप निस्तेजपणा जाणवतो. हे मान्सून ब्लूजमुळे असू शकते. अशा परिस्थितीत कामाच्या उत्पादकतेवर परिणाम होतो, त्यामुळे मानसिक आरोग्यावरही परिणाम होतो. तर, जर च्यवनप्राश हे टॉनिकसारखे कार्य करते. याचे सेवन केल्याने तुम्हाला उत्साही वाटते आणि ते तुमचे एकंदर आरोग्य सुधारण्यास देखील मदत करते.
च्यवनप्राश हा जीवनसत्त्वे, खनिजे आणि इतर आवश्यक पोषक तत्वांचा समृद्ध स्रोत आहे. हे पोषक तत्व शरीराला सामान्य कार्ये करण्यास सक्षम करतात. तसेच च्यवनप्राश खाल्ल्याने पावसाळ्यात तुमचे आरोग्य चांगले राहते.
