अहमदनगर Live24 टीम, 20 फेब्रुवारी 2021:- रिझर्व्ह बँक ऑफ इंडियाने पीरामल समूहास डीएचएफएल (दिवाण गृहनिर्माण वित्त महामंडळ) 34250 कोटी रुपयांत संपादनास मान्यता दिली आहे. डीएचएफएल कर्जदाता समितीने (सीओसी) यापूर्वी या करारास मान्यता दिली आहे.
पीरामल कॅपिटल अँड हाउसिंग फायनान्स लिमिटेड या पिरामल समूहाची कंपनीच्या समाधान योजनेला सीओसीने गेल्या महिन्यात मंजुरी दिली होती.
पिरामल समूहाचे प्रमुख अजय पिरामल हे देशातील सर्वात प्रसिद्ध उद्योगपती मुकेश अंबानी यांचे व्याही (समधी) आहेत. पीरामल समूहाचा व्यवसाय फाइनेंशियल सर्विसेज व फार्मास्युटिकल सेक्टर मधील आहे. याशिवाय त्यांचा रिअल इस्टेटमध्ये व्यवसायही आहे.
त्यांचा मुलगा आनंद पिरामल यांचे मुकेश अंबानी यांची एकुलती मुलगी ईशा अंबानीशी लग्न झाले आहे. पिरामल ग्रुपने दिलेल्या निवेदनात म्हटले आहे की, ‘आम्हाला हे समजले आहे की आरबीआयने पीरामल कॅपिटल अँड हाउसिंग फायनान्सच्या डीएचएफएल समाधान योजनेस मान्यता दिली आहे. डिसेंबर 2020 मध्ये संपलेल्या तिसऱ्या तिमाहीत 13,095.38 कोटी रुपयांचा निव्वळ तोटा झाला आहे.
या कंपनीवर 83,873 कोटी रुपयांची थकबाकी आहे –
जुलै 2019 मध्ये डीएचएफएलवर बँकांची 83,873 कोटी रुपयांची थकबाकी आहे. यापैकी स्टेट बँक ऑफ इंडियाची 10,083 कोटी रुपयांची थकबाकी आहे. मार्च 2020 मध्ये कंपनीची मालमत्ता 79,800 कोटी रुपये होती. त्यापैकी 63 टक्के एनपीए होते.
या शर्यतीत Oaktreeचा देखील समावेश –
अमेरिकन अ‍ॅसेट मॅनेजमेंट कंपनी Oaktreeही कंपनी घेण्याच्या शर्यतीत सहभागी झाली होती. ओकट्री यांना 45 टक्के मते मिळाली. त्याचवेळी या शर्यतीमध्ये सहभागी असलेल्या अदानी कॅपिटल या दुसर्‍या कंपनीला केवळ 18 टक्के मते मिळाली.
ओकट्री यांनी डीएचएफएलसाठी 38,400 कोटी रुपयांची बोली लावली होती, तर पिरामलने 37,250 कोटी रुपयांची बोली लावली होती.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम ।
- © Copyright 2021, all rights reserved
