अहमदनगर Live24 टीम, 21 फेब्रुवारी 2021:-विजेच्या शॉर्टसर्किटने एक एकर ऊस आगीत जळून खाक झाला. ही घटना रविवारी दुपारी चारच्या सुमारास नेवासा तालुक्यातील पाचेगाव शिवारात घडली.
यात जयवंत किसन जाधव या शेतकऱ्याचे मोठे नुकसान झाले. शनिवारी देखील याच ठिकाणी तारांमध्ये मोठ्या प्रमाणात घर्षण झाले होते.
त्यात पाचेगावातील संतोष भाऊसाहेब साळुंके या शेतकऱ्याचा ऊस आगीतून वाचविण्यात यश आले होते. दुसऱ्या दिवशी पुन्हा ही घटना घडल्याने परिसरातील शेतकरी सध्या धास्तावले दिसत आहेत. जयवंत किसन जाधव (रा.गुजरवाडी, ता.श्रीरामपूर) यांची पाचेगाव शिवारात सहा एकर शेतजमीन आहे.
शनिवारी दुपारी चारच्या सुमारास शेतातील वीजवाहक तारांमध्ये घर्षण होऊन तयार झालेले आगीचे लोळ उसाच्या शेतात पडल्यामुळे एक एकर ऊस आणि प्लास्टिक पाईप आगीत जळून खाक झाले. या शेतकऱ्यांचे सव्वा लाख रुपयाचे नुकसान झाले आहे.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम ।
- © Copyright 2021, all rights reserved
