अहमदनगर Live24 टीम, 18 जुलै 2021 :- नेवासा तालुक्यातुन भिमाशंकरला गेलेल्या युवकांच्या गाडीला अपघात होऊन त्यात 22 वर्षीय युवा हॉटेल व्यावसायिक अमोल लोखंडे हे जागीच ठार झाले तर इतर चार जण जखमी झाले.
अमोल लोखंडे याच्या पश्चात आई, वडील, बहीण भाऊ, आत्या, चुलते असा परिवार आहे. शुक्रवार दि.16 रोजी रात्री 10 वाजण्याच्या सुमारास अमोल लोखंडे हे आपले मित्र दत्तात्रय मैराळ,
कांचन भांगे, मनोज शिंदे, नितीन निपुंगे यांच्या समवेत स्विफ्ट कार (एमएच 43 आर 6423) ने भीमाशंकर येथे दर्शनासाठी गेले होते.
रात्री 11.30 ते बारा वाजण्याच्या सुमारास आळेफाटा ते ओतूर रस्त्यावरील आणे घाटावर पडलेल्या दरडीला ही कार धडकली व पुढे जाऊन उलटली. यामध्ये अमोल लोखंडे याचा जागीच मृत्यू झाला तर कार मधील अन्य युवक जखमी झाले.
जखमींना नगर येथील हॉस्पिटलमध्ये उपचारार्थ दाखल करण्यात आले तर अमोल लोखंडे यांच्यावर शोकाकूल वातावरणात अंत्यसस्कारं करण्यात आले.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
