अहमदनगर Live24 टीम, 25 जून 2021 :- संजीवनी ग्रूप ऑफ इन्स्टिट्यूट्स संचलित संजीवनी आर्टस्, काॅमर्स व सायन्स या सिनिअर काॅलेजला सावित्रीबाई फुले पुणे विद्यापीठ व महाराष्ट्र शासनाकडून सहा नवीन अभ्यासक्रमांना शैक्षणिक वर्ष २०२१-२२ पासून मान्यता मिळाली.
यामुळे ग्रामीण विद्यार्थ्यांना दर्जेदार व गुणवत्तापूर्ण उच्च शिक्षणाची सुविधा निर्माण झाली, अशी माहिती संजीवनी ग्रूप ऑफ इन्स्टिट्यूट्सचे कार्याध्यक्ष नितीन कोल्हे यांनी दिली.
संजीवनी ग्रूप ऑफ इन्स्टिट्यूट्सचे ग्रामिण भागातील विद्यार्थ्यांसाठी व्यावसायिक शिक्षणाबरोबरच विविध पारंपरिक शिक्षणाची दालने सुरू केलेली आहेत.
आता संजीवनी सिनिअर काॅलेजला शैक्षणिक वर्ष २०२१-२२ पासून मायक्रोबायोलाॅजी, केमिस्ट्री, झुलाॅजी व बाॅटनी या विषयांतील एम. एस. सी. या पदव्युत्तर अभ्यासक्रमांना परवानगी मिळाली.
सायन्स अँड टेक्नाॅलाॅजी व मॅथेमॅटिक्स या विषयांतील बीएससीच्या अभ्यासक्रमांना परवानगी मिळाली. सध्या मायक्रोबायोलाॅजी, केमिस्ट्री, झुलाॅजी व बाॅटनी या विषयांतील बीएससी, बीकाॅम (इंग्रजी माध्यम),
बीबीए -आयबी, डीप्लोमा इन फाॅरेन ट्रेड असे अभ्यासक्रम शिकवले जातात. संजीवनी सिनिअर काॅलेजमध्ये केवळ पुस्तकी शिक्षण न देता प्रात्यक्षिक व संशोधन कार्यावर भर दिला जातो.
विद्यार्थ्यांच्या सर्वांगीण विकासासाठी विविध उपक्रम राबवले जातात, त्यामुळे येथे बहुआयामी विद्यार्थी घडत आहेत, असे कोल्हे यांनी पत्रकात म्हटले आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
